ஆழ்துளை கிணற்றுக்குள் சிக்கிய 7 வயது சிறுவன் பலி
செய்தி முன்னோட்டம்
மத்திய பிரதேச மாநிலம் விதிஷா மாவட்டத்தில் ஆழ்துளை கிணற்றில் விழுந்த 7 வயது சிறுவன் 24 மணி நேரத்திற்கு பிறகு மீட்கப்பட்டதாகவும், ஆனால் அவனை காப்பாற்ற முடியவில்லை என்றும் அதிகாரிகள் தெரிவித்துள்ளனர்.
இதுகுறித்து பேசிய விதிஷா ஆட்சியர் உமா சங்கர், "பரிசோதனைக்குப் பிறகு சிறுவன் இறந்துவிட்டதாக மருத்துவர்கள் தெரிவித்தனர்" என்று கூறியுள்ளார்.
மத்தியப் பிரதேச முதல்வர் சிவராஜ் சிங் சவுகான் சிறுவனின் குடும்பத்திற்கு 4 லட்சம் ரூபாய் நிதியுதவி அறிவித்திருக்கிறார் என்றும் ஆட்சியர் தெரிவித்தார்.
செவ்வாய்க்கிழமை காலை 11 மணியளவில் சிறுவன் 60 அடி ஆழமுள்ள ஆழ்துளைக் கிணற்றில் விழுந்து 43 அடி ஆழத்தில் சிக்கிக் கொண்டான் என்று தகவல்கள் தெரிவிக்கின்றன.
இந்தியா
மீட்பு குழு எடுத்த நடவடிக்கைகள்
சிறுவனை வெளியே எடுக்க ஜேசிபி இயந்திரம் (மண் அள்ளும் இயந்திரம்) மூலம் ஆழ்துளை கிணற்றுக்கு பக்கத்தில் இன்னொரு குழி தோண்டப்பட்டது.
லோகேஷ் அஹிர்வார் என்ற சிறுவன் விளையாடிக் கொண்டிருந்த போது, லேடரி தாலுகாவிற்கு உட்பட்ட கெர்கேடி பத்தர் கிராமத்தில் உள்ள ஒரு ஆழ்துளை கிணற்றில் தவறி விழுந்தான் என்று தெரிவிக்கப்பட்டுள்ளது.
சிறுவன் கிணற்றிற்குள் விழுந்தது கிராம மக்களால் எச்சரிக்கப்பட்டதை அடுத்து, மீட்புக் குழு சம்பவ இடத்திற்கு விரைந்து வந்து குழந்தையை மீட்கும் பணியில் ஈடுபட்டது.
ஆழ்துளைக் கிணற்றில் ஆக்சிஜன் குழாய் இறக்கப்பட்டு சிறுவனுக்கு மூச்சு திணறல் ஏற்படாமல் பார்த்து கொள்ளப்பட்டது.
மீட்புப் பணியாளர்கள் இரவு நேரக் கருவி மூலம் சிக்கிய சிறுவனைக் கண்காணித்து வந்தனர். இருப்பினும் சிறுவனை காப்பாற்ற முடியவில்லை.