கேரள படகு விபத்து: 7 குழந்தைகள் உட்பட 22 பேர் பலி
கேரளாவின் மலப்புரம் மாவட்டத்தில் நேற்று(மே 7) மாலை கடற்கரை அருகே இரட்டை அடுக்கு படகு கவிழ்ந்து மூழ்கியதில் ஏழு குழந்தைகள் உட்பட குறைந்தது 22 பேர் உயிரிழந்ததாக மாநில அரசு தெரிவித்துள்ளது. இச்சம்பவம் தனுர் பகுதியில் உள்ள துவல்த்திரம் கடற்கரை அருகே இரவு 7 மணியளவில் நடந்தது. படகின் உரிமையாளர் மீது குற்றமற்ற கொலைக்காக வழக்கு பதிவு செய்யப்பட்டுள்ளதாக போலீஸார் தெரிவித்துள்ளனர். படகில் இருந்த பயணிகளின் சரியான எண்ணிக்கை இன்னும் தெரியவில்லை. பயணிகளில் 40 பேரிடம் மட்டுமே டிக்கெட்டுகள் இருந்ததிருக்கிறது. பலரிடம் டிக்கெட்டுகள் இல்லை. படகுக்கு பாதுகாப்புச் சான்றிதழும் இல்லை என்று கூறப்படுகிறது. தேசிய பேரிடர் மீட்பு படையினரும், இந்திய கடலோர காவல்படையினரும் மீட்பு பணியில் ஈடுபட்டுள்ளனர்.
சம்பவ இடத்திற்கு நேரில் செல்ல இருக்கிறார் கேரள முதல்வர் பினராயி விஜயன்
இன்னும் காணாமல் போனவர்களைக் கண்டுபிடிக்க நீருக்கடியில் கேமராக்கள் பயன்படுத்தி தேடுதல் பணி நடத்தப்பட்டு வருகிறது. இந்த சம்பவம் குறித்து அரசியல் கட்சி தலைவர்கள் தங்களது அதிர்ச்சியையும் வருத்தத்தையும் தெரிவித்துள்ளனர். உயிரிழந்தவர்களுக்கு இரங்கல் தெரிவித்த பிரதமர் நரேந்திர மோடி, உயிரிழந்தவர்களின் குடும்பங்களுக்கு தலா 2 லட்சம் ரூபாய் வழங்கப்படும் என அறிவித்துள்ளார். காங்கிரஸ் தலைவரும், வயநாடு முன்னாள் எம்.பி.யுமான ராகுல் காந்தி, காயமடைந்தவர்கள் விரைவில் குணமடைய வாழ்த்து தெரிவித்துள்ளார் . கேரள முதல்வர் பினராயி விஜயன், இன்று சம்பவ இடத்திற்கு நேரில் செல்ல உள்ளார். தனுரை சேர்ந்த அப்பகுதி மக்களுடன் போலீசார், தீயணைப்பு வீரர்கள் மற்றும் சுகாதாரத்துறையினர் மீட்பு பணியில் ஈடுபட்டுள்ளனர். விபத்துக்கான காரணம் இதுவரை கண்டறியப்படவில்லை என போலீஸார் தெரிவித்துள்ளனர்.
இந்த காலவரிசையைப் பகிரவும்