சுற்றுச்சூழல் காற்றின் தரத்தை மேம்படுத்துவதில் சிறப்பாக செயல்பட்ட 21 நகரங்கள்; பட்டியலில் இடம்பிடித்த திருச்சி, தூத்துக்குடி
சுற்றுச்சூழல் அமைச்சகத்தால் தயாரிக்கப்பட்ட 131 நகரங்களின் சமீபத்திய தரவுகளின்படி, 2017-18 அளவுகளுடன் ஒப்பிடும்போது 2023-24இல் 21 நகரங்கள் முக்கியமான காற்று மாசுபடுத்தும் PM10 இன் செறிவை 40 சதவீதத்திற்கும் அதிகமாகக் குறைத்துள்ளன. திருச்சி, தூத்துக்குடி, கிரேட்டர் மும்பை, வாரணாசி, ஆக்ரா, லக்னோ, கான்பூர், டேராடூன் மற்றும் தன்பாத் உள்ளிட்ட நகரங்கள் இந்த பட்டியலில் இடம்பெற்றுள்ளன. PM10 (10 மைக்ரோகிராம் விட்டம் தாண்டாத நுண்துகள்கள்) சுவாசத்தின் மூலம் நுரையீரலுக்குள் நுழையும் அளவுக்கு சிறியது. இது கடுமையான உடல்நலக் கேடுகளை ஏற்படுத்துகிறது. இந்த நகரங்கள் தேசிய தூய்மையான காற்று திட்டத்தின் இலக்கை இரண்டு ஆண்டுகளுக்கு முன்பே எட்டியிருந்தாலும், அவற்றில் கிரேட்டர் மும்பை, வாரணாசி, ஆக்ரா உட்பட பெரும்பாலானவை ஏற்றுக்கொள்ளக்கூடிய வரம்பை (தேசிய தரநிலைகள்) பூர்த்தி செய்யவில்லை.
தூய்மையான நகரங்கள் பட்டியலில் தமிழக நகரங்கள்
மாசு அளவுகளில் 40 சதவீதத்திற்கும் அதிகமான குறைப்பு, தூய்மையான நகரங்கள் என்ற தரத்தை பூர்த்தி செய்யும் 18 நகரங்களின் பட்டியலில் தமிழ்நாட்டின் திருச்சி மற்றும் தூத்துக்குடி மற்றும் ஆந்திராவின் கடப்பா ஆகிய நகரங்கள் இடம் பெற்றுள்ளன. 2019 இல் தொடங்கப்பட்ட இந்த திட்டத்தின் கீழ், 2017-18ஆம் ஆண்டின் அடிப்படை ஆண்டிலிருந்து 2025-26ஆம் ஆண்டிற்குள் PM10 அளவை 40 சதவிகிதம் குறைக்க சுற்றுச்சூழல் அமைச்சகம் திட்டமிட்டுள்ளது. ஒட்டுமொத்தமாக, 131 மாசுபடுத்தும் நகரங்களில் 95 வெவ்வேறு சதவீதங்களில் PM10 அளவைக் குறைத்து முன்னேற்றம் கண்டுள்ளன. செப்டம்பர் 7 ஆம் தேதி ஜெய்ப்பூரில் 'நீல வானத்துக்கான தூய்மையான காற்றின் சர்வதேச தினத்தை' அனுசரிக்கும் விழாவில், இந்த நகரங்களில் காற்றின் தரத்தை மேம்படுத்துவதற்கான தரவு அமைச்சகத்தால் பகிரப்பட்டது.
