சென்னையிலிருந்து கேரளா சென்ற தனியார் பேருந்து விபத்து - இருவர் உயிரிழப்பு
செய்தி முன்னோட்டம்
சென்னை மாநகரில் இருந்து கேரளா மாநிலம் கோழிக்கோடு பகுதிக்கு தனியார் பேருந்து ஒன்று இன்று (ஆகஸ்ட்.,23) பயணிகளோடு சென்றுள்ளது.
அப்போது கேரளா மாநிலம் செல்லும் வழியில் திருவாழி என்னும் இடத்தில் பேருந்து சென்று கொண்டிருக்கையில், அந்த பேருந்து ஓட்டுனரின் கட்டுப்பாட்டினை இழந்துள்ளது என்று தெரிகிறது.
இதனையடுத்து அப்பேருந்து விபத்துக்குள்ளாகியுள்ளது. அதிவேகமாக பேருந்து சென்றுள்ள நிலையில் ஓட்டுநர் கட்டுப்பாடு இழந்து மின்கம்பம் மீது மோதியுள்ளது.
இந்த விபத்தில் சம்பவயிடத்திலேயே பரிதாபமாக இருவர் உயிரிழந்துள்ளனர் என்று தகவல்கள் வெளியாகியுள்ளது.
மேலும், படுகாயமடைந்த 10க்கும் மேற்பட்டோர் மருத்துவமனையில் அனுமதிக்கப்பட்டுள்ளனர் என்றும் கூறப்படுகிறது என்பது குறிப்பிடத்தக்கது.
ட்விட்டர் அஞ்சல்
பேருந்து விபத்து
#NewsUpdate | சென்னையில் இருந்து கேரளா சென்ற பேருந்து விபத்துக்குள்ளானது!#SunNews | #Kerala pic.twitter.com/8KpZVYjqeA
— Sun News (@sunnewstamil) August 23, 2023