பிக்பாஸ் -7 வரும் அக்டோபர் 1-ஆம் தொடங்கும் என தகவல்
செய்தி முன்னோட்டம்
கடந்த 2017-ஆம் ஆண்டு தமிழில் அறிமுகமான நிகழ்ச்சி பிக் பாஸ். விஜய் டிவியில் ஒளிபரப்பாகும் இந்நிகழ்ச்சி தொடங்கிய நாள் முதல் பிரபலமாக இருக்கவே, தொடர்ச்சியாக ஆண்டுதோறும் ஒவ்வொரு சீசனாக நடத்தி வருகின்றனர். ரியாலிட்டி ஷோ ஃபார்மேட்டில் உருவான இந்த நிகழ்ச்சியை தொகுத்து வழங்குவது கமல்ஹாசன். இந்த செய்திகள் அனைத்துமே உங்களுக்கு தெரிந்ததே. இந்நிலையில், இந்த நிகழ்ச்சியில் 7வது சீசன் குறித்த அறிவிப்பை, விஜய் டிவி சமீபத்தில் வெளியிட்டது. தொடர்ச்சியாக படங்களில் கமல் பிஸியாக இருப்பதால், அவர் தொகுத்து வழங்குவர் என்ற சந்தேகம் எழுந்த நிலையில், இந்த அறிவிப்பின் மூலம், இம்முறையும் நிகழ்ச்சியை கமலே தொகுத்து வழங்குவார் என்பதை உறுதிப்படுத்தியது விஜய் டிவி. இந்நிலையில், இந்த நிகழ்ச்சி எப்போது தொடங்கவுள்ளது என்ற தகவல் வெளியாகியுள்ளது.
card 2
எப்போது தொடங்கும்? போட்டியாளர்கள் யார்?
பிக்பாஸ் சீசன் 7, அக்டோபர் 1 ஆம் தேதி தொடங்க வாய்ப்புள்ளதாக தகவல் வெளியாகி உள்ளன. இந்த ஆண்டு யாரெல்லாம் கலந்துகொள்ளக்கூடும் என ஒரு பட்டியலும் இணையத்தில் வைரலாகி வருகிறது. விஜய் டிவி சார்பாக மா.க.பா.ஆனந்த், ஜாக்குலின், ரக்ஷன், நடிகர் சார்பாக நடிகர் பிருத்விராஜூம் கலந்து கொள்வார்கள் என எதிர்பார்க்கப்படுகிறது. சாமானிய மக்கள் பிரதிநிதியாக டிரைவர் ஷர்மிளா மற்றும் திருநங்கை நிலா ஆகியோர் கலந்து கொள்வார்கள் என எதிர்பார்க்கப்படுகிறது. சர்ச்சைகளுக்கு பெயர் பெற்ற பயில்வான் ரங்கநாதன் சீனியர் சிடிஸின் அடிப்படையில் கலந்துகொள்வார் எனவும் கூறப்படுகிறது. இவர்களோடு, நடிகர் சந்தோஷ் பிரதாப், டான்ஸ் மாஸ்டர் ஸ்ரீதர் மற்றும் பிக் பாஸ் 6 போட்டியாளர் ரச்சிதாவின் கணவர் தினேஷ் ஆகியோர் இடம்பெறுவார்கள் என செய்திகள் தெரிவிக்கின்றன.