சொகுசு கார் வாங்கிய 'விக்ரம்' பட இயக்குனர் - வைரலாகும் புகைப்படங்கள்
செய்தி முன்னோட்டம்
இயக்குனர் லோகேஷ் கனகராஜ் இயக்கத்தில் வெளியான முதல் திரைப்படம் 'மாநகரம்'.
அதில் துவங்கி, ;கைதி', 'மாஸ்டர்', 'விக்ரம்' என அவர் இயக்கிய அனைத்து படங்களுமே செம ஹிட்டானது.
இந்நிலையில் இவர் இளையதளபதி விஜய் அவர்களை வைத்து தற்போது எடுத்துள்ள படம் தான் 'லியோ'.
இப்படம் வரும் அக்டோபர் 19ம் தேதி வெளியாகும் என்று அறிவிக்கப்பட்டுள்ளது.
இதனால் இப்படத்தின் வெளியீடு குறித்த பணிகளில் இயக்குனர் மிக பிசியாக உள்ளார் என்றும் கூறப்படுகிறது.
இதற்கு மத்தியில்,லோகேஷ் கனகராஜ், பிஎம்டபிள்யூ 7 சீரிஸ் என்னும் சொகுசு கார் ஒன்றினை வாங்கியுள்ளாராம்.
ரூ.1.70 கோடி மதிப்புள்ள இந்த சொகுசு காரினை வாங்கிய லோகேஷ் கனகராஜிற்கு பலரும் தற்போது தங்கள் வாழ்த்துக்களை தெரிவித்து வருகிறார்கள்.
லோகேஷ்
ஒரு லிட்டருக்கு 12.61 கி.மீ.,வரை மையிலேஜ் கொடுக்கும் சொகுசு கார்
இதற்கு முன்னதாக லோகேஷ் கனகராஜ் நடிகர் கமல்ஹாசன் பரிசளித்த லெக்சஸ் காரினை உபயோகப்படுத்தி வந்துள்ளார்.
'விக்ரம்' படத்தின் மிக பெரிய வெற்றி காரணமாக கமல் ரூ.80 லட்சம் மதிப்புள்ள லெக்சஸ் காரினை தனது அன்பு பரிசாக இயக்குனர் லோகேஷ் கனகராஜிற்கு அளித்துள்ளார் என்று கூறப்படுகிறது.
அதனைவிட இயக்குனர் தற்போது வாங்கியுள்ள கார் விலையுயர்ந்தது என்னும் நிலையில், அந்த காரில் பல அதிநவீன சிறப்பம்சங்கள் உள்ளதாம்.
அதன்படி இந்த கார் ஜீராவில் இருந்து 100கி.மீ.,வேகத்தினை வெறும் 5.4 நொடிகளில் எட்டிவிடும் என்று கூறப்படுகிறது.
அதேபோல் இந்த கார் ஒரு லிட்டருக்கு 12.61 கி.மீ.,வரை மையிலேட்ஜ் கொடுக்கும் என்றும்,
ஸ்மார்ட் போன் கொண்டு இந்த காரினை திறக்கவும், ஆன் செய்யவும் முடியும் என்றும் தகவல்கள் தெரிவிக்கிறது.