துருவநட்சத்திரம் படத்தின் இரண்டாம் பாடல், 'His Name is John' வெளியானது
'சீயான்' விக்ரம் - கௌதம் மேனன் இணைந்து உருவான திரைப்படம் 'துருவ நட்சத்திரம்'. படம் அறிவிப்பு வெளியாகி கிட்டத்தட்ட 5 ஆண்டுகள் ஆன நிலையில், கொரோனா லாக்டவுனிற்கு சற்று முன்பு, படத்தின் முதல் பாடல் 'ஒருமுறை' வெளியானது. இன்றளவும் பிரபலமாக உள்ள அந்த பாடலை தொடர்ந்து தற்போது, 'துருவநட்சத்திரம்' படத்தின் இரண்டாம் பாடலை படக்குழுவினர் இன்று வெளியிட்டனர். ஹாரிஸ் ஜெயராஜ் இசையில் உருவாகியுள்ள இந்த படத்தின் பாடல்கள் அனைத்தும் விரைவில் ஆடியோ லான்ச் செய்யப்படும் என எதிர்பார்க்கப்படுகிறது. சில நாட்களுக்கு முன்னர், இயக்குனர் GVM ஒரு தனியார் ஊடகத்தின் பேட்டியில், பட வேலைகள் அனைத்தும் முடிவடைந்ததாகவும், ஓரிரு வாரங்களில் படத்தின் ரிலீஸ் தேதி அறிவிக்கப்படும் எனவும் கூறியது குறிப்பிடத்தக்கது.
