தி பேமிலி மேன் இயக்குனர்களின் புதிய வலைத்தொடரில் விஜய் சேதுபதி நடிக்கிறாரா?
செய்தி முன்னோட்டம்
ஆந்திர மாநிலத்தை சேர்ந்த ராஜ் நிதிமோரு மற்றும் கிருஷ்ணன் டிகே அவர்கள் ராஜ் & டிகே என்ற பெயரில் தி பேமிலி மேன் என்கிற ஹிந்தி வலைத்தொடரை இயற்றினர்.
இது இந்தியாவில் உருவான பிரபல வலைத்தொடர்களில் ஒன்றாகும். முதல் சீசன் வெற்றியை தொடர்ந்து இரண்டாவது சீசன் எடுக்கப்பட்டது.
அதில் ஈழத்தின் போராளிகளையும் அவர்களின் தலைவர்களையும் பற்றியும் தவறாக சித்தரித்ததாக பல சர்ச்சைகள் எழுந்தன.
தற்போது இவர்கள் ஹிந்தியில் 'பார்சி' எனும் மற்றொரு வலைத்தொடர் இயக்கப் போவதாக தகவல் வெளியாகி இருந்தது.
இதில் விஜய் சேதுபதி முக்கிய கதாபாத்திரத்தில் நடிக்கிறார். இவர்களுடன் ஷாஹித் கபூர், ரெஜினா காசண்ட்ரா, ராஷி கண்ணா, கே.கே. மேனன், அமோல் பலேகர், புவன் அரோரா உள்பட பலர் நடித்துள்ளனர்.
புதிய வெப் சீரிஸ்
அமேசான் ப்ரைம் வீடியோவில் வெளியாகும் விஜய் சேதுபதியின் வெப் சீரிஸ்
இந்த வலைத்தொடர் அமேசான் ப்ரைம் வீடியோ ஓடிடி தளத்தில் வருகிற பிப்ரவரி மாதம் 10-ந்தேதி வெளியாகிறது.
க்ரைம் திரில்லராக வெளிவரவிருக்கும் இத்தொடரில் விஜய் சேதுபதி தெருக்கூத்து கலைஞனாக நடிக்கிறார்.
கார்பரேட் நிறுவனங்களை எதிர்க்கும் தெருக்கூத்து கலைஞனின் கதையாக இத்தொடர் வரப்போகிறது.
இது குறித்து இயக்குனர் ராஜ் & டிகே அவர்கள் கூறியதாவது; "தி பேமிலி மேன் தொடரின் வெற்றி கூட்டணிக்கு பிறகு எங்களின் அடுத்த தொடருக்காக மீண்டும் அமேசான் ப்ரைம் வீடியோவுடன் இணைவதில் மகிழ்ச்சி அடைகிறோம்.
இது எங்களுக்கு மிகவும் பிடித்த, மனதிற்கு நெருக்கமான கதைகளில் ஒன்றாகும்.
தி பேமிலி மேன் தொடருக்கு பிறகு மற்றொரு தனித்துவமான, அற்புதமான உலகத்தை கொண்டு வர எங்களுக்குளேயே நாங்கள் சவால்களை விட்டுக் கொண்டோம்" என கூறியுள்ளனர்.