பிரபல பாடகி உஷா உதுபின் கணவர் ஜானி சாக்கோ மாரடைப்பால் காலமானார்
பிரபல இந்திய பாப் பாடகி உஷா உதுப்பின் கணவர் ஜானி சாக்கோ உதுப் கொல்கத்தாவில் திங்கள்கிழமை காலமானதாக அவர்களது குடும்பத்தினர் தெரிவித்துள்ளனர். 78 வயதான ஜானி, அவரது வீட்டில் டிவி பார்த்துக் கொண்டிருந்தபோது அசௌகரியம் இருப்பதாக கூறியதாகவும், உடனடியாக அருகில் உள்ள மருத்துவமனைக்கு கொண்டு செல்லப்பட்டும், அவர் இறந்துவிட்டதாக தெரிவிக்கப்பட்டது. ஜானிக்கு பெரிய அளவில் மாரடைப்பு ஏற்பட்டதே அவர் மரணத்திற்கு காரணம் என மருத்துவர்கள் கூறியதாக உஷா உதுப்பின் குடும்பத்தார் தெரிவித்தனர். உஷாவின் கணவர் ஜானி, தேயிலைத் தோட்ட உரிமையாளர் என ஹிந்துஸ்தான் டைம்ஸ் தெரிவித்துள்ளது. அவர்கள் முதன்முதலில் 70 களின் முற்பகுதியில் டிரின்காஸில் சந்தித்து காதல் வயப்பட்டதாக கூறப்படுகிறது.
