பிப்ரவரி 8, நெட்ஃபிலிக்ஸில் வெளியாகவுள்ளது அஜித்தின் 'துணிவு'!
அஜித்-வினோத் கூட்டணியில் பொங்கலுக்கு வெளியான படம் 'துணிவு'. வெளிவந்து கிட்டத்தட்ட ஒரு மாதத்தை நெருங்கும் நிலையில், இந்த படம் உலகெங்கும் வசூலை வாரிக் குவித்துள்ளது என தயாரிப்பாளர் தரப்பில் கூறப்பட்டது. இந்நிலையில், பிப்ரவரி 8 முதல், ஓடிடி தளமான நெட்ஃபிலிக்ஸில் இந்த படம் வெளியாகவுள்ளது. இது குறித்த அதிகாரபூர்வ அறிவிப்பை நெட்ஃபிலிக்ஸ் இந்தியா சவுத் இன்று வெளியிட்டது. அறிவிப்பு வெளியானது முதல், இணையத்தில் '#துணிவு' ட்ரெண்டிங் ஆகி வருகிறது. மனி ஹெய்ஸ்ட் பாணியில் உருவாக்கப்பட்ட இந்த படத்தில், அஜித்துடன் ஜோடியாக மஞ்சு வாரியர் நடித்துள்ளார். மேலும், ஜான் கொக்கேன், சமுத்திரக்கனி,கதிர் ஆகியோர் முக்கிய வேடத்தில் நடித்துள்ளனர். இந்த படத்தை போனி கபூர் தயாரித்துள்ளார்.
