பார்வதி நாயர் முதல் ஐஸ்வர்யா ரஜினிகாந்த் வரை: பிரபலங்கள் வீட்டில் நடைபெற்ற திருட்டு சம்பவங்கள்
செய்தி முன்னோட்டம்
சமீபத்தில், ஐஸ்வர்யா ரஜினிகாந்தின் வீட்டிலிருந்து, பல லட்சம் மதிப்பிலான நகைகள் கொள்ளை அடிக்கப்பட்ட விவகாரம், அதிர்ச்சி அலையை ஏற்படுத்தியது. போலீஸ் விசாரணையில், அந்த கொள்ளை சம்பவத்தில் ஈடுபட்டது, ஐஸ்வர்யா வீட்டில் வேலை செய்து கொண்டிருந்த ஈஸ்வரி என்ற பெண்மணியும், அவரின் கணவரும் தான் எனத்தெரியவந்தது. இப்படி கோலிவுட்டில் மேலும் சில பிரபலங்கள் வீட்டில் நடைபெற்ற கொள்ளை சம்பவங்கள் பற்றி ஒரு தொகுப்பு: RK : மறைந்த நடிகர் RK, ஒரு நடிகர் மட்டுமின்றி அரசியல்வாதியும் கூட. அவர் 'எல்லாம் அவன் செயல்' என்ற படத்தின் மூலம் பிரபலமானார். ஒரு நாள், RK வீட்டில் இல்லாத நேரத்தில், அவரது மனைவியை கட்டி போட்டுவிட்டு, வீட்டிலிருந்த 200 சவரன் நகையை கொள்ளையடித்து சென்றது ஒரு கும்பல்.
கொள்ளை
அநேக நேரம், வீட்டில் இருக்கும் பணியாள் தான் கொள்ளைக்காரர்களாக மாறிவிடுகின்றனர்
உடனே, தனிப்படை அமைத்து, அந்த கும்பலை நேபாளத்தில் கண்டுபிடித்தனர் போலீசார். பார்வதி நாயர்: சென்ற அக்டோபர் மாதம், நடிகை பார்வதி நாயர் வீட்டிலிருந்து, ரூ.6 லட்சம் மதிப்புள்ள கைக்கடிகாரம், ரூ.3 லட்சம் மதிப்புள்ள கைக்கடிகாரம், ரூ.50 ஆயிரம் மதிப்புள்ள லேப்டாப் ஆகியவற்றை, அவரின் வீட்டின் பணியாள் திருடியதாக கண்டுபிடிக்கப்பட்டது. நிக்கி கல்ராணி: சென்னையில் வாடகை வீட்டில் தங்கி இருக்கும் இவரிடம், பல லட்சம் மதிப்புள்ள கேமரா மற்றும் 40,000 ரொக்க பணத்தையும் அவரின் வீட்டில் இருந்த வேலையாள் திருடி உள்ளார். CCTV காட்சிகள் மூலம் கொள்ளைக்காரன் யார் என்பதை போலீசார் கண்டுபிடித்தனர். தனியார் ஏஜென்சி மூலம் பணிக்கு சேர்க்கப்பட்ட தனுஷ் என்ற நபர் தான், தன் கைவரிசையை காட்டியுள்ளார்.