ஜவான் திரைப்படத்தில் விஜய் நடிக்கிறாரா? ஸ்டண்ட் மாஸ்டர் சொன்ன தகவல்
இயக்குனர் அட்லீயின் அடுத்த படமான 'ஜவான்' பிரமாண்டமான முறையில் தயாராகி வருகிறது. வரும் செப்டம்பர் 7ஆம் தேதி ரிலீஸ் செய்ய திட்டமிடப்பட்டுள்ளது. இப்படத்தில், ஷாருக்கான், விஜய் சேதுபதி, நயன்தாரா, தீபிகா படுகோன், ப்ரியாமணி மற்றும் பலர் நடித்துள்ளனர். மிகப்பெரிய எதிர்பார்ப்பை ஏற்றிய இப்படத்தின் டீசரில் இரு வேறு கெட்டப்பில் ஷாருக்கான் தோன்றியிருந்தார். இதற்கிடையில், அட்லீயின் ஆஸ்தான நடிகராக அறியப்படும் நடிகர் விஜய், இப்படத்தில் ஒரு சிறிய வேடத்தில் நடிப்பார் என பலரும் கூறிய நிலையில், இந்த டீசரில் தென்பட்ட சில்ஹவுட் ஒன்று விஜய் போலவே தோற்றம் தருகிறது என அவரின் ரசிகர்கள் டீகோட் செய்து வந்தனர்.
'விஜய்'-ஆ? 'விஜய்' சேதுபதியா?
இந்நிலையில், 'ஜவான்' படத்தின் சண்டை காட்சிகளை இயக்கிய ஹாலிவுட் ஸ்டண்ட் மாஸ்டர் யானிக் பென் ஒரு பேட்டியின்போது, "ஒரு காட்சியில் ஷாருக் மற்றும் விஜய் தோன்றுவார்கள். அது நிச்சயம் ரசிகர்களை மிகவும் விரும்பப்படும்" எனக்கூறியுள்ளார். தொடர்ந்து அந்த 'விஜய்' நடிகர் 'விஜய் சேதுபதி' என சமாளித்தார். இருப்பினும் 'தளபதி' விஜயின் ரசிகர்கள், நிச்சயம் விஜய் ஓரிரு காட்சிகளில், ஷாருக்குடன் நடிப்பார் என ஆருடம் கூறி வருகிறார்கள். இந்நிலையில், இது குறித்து தயாரிப்பாளர் தரப்பும், அட்லீ தரப்பும் மௌனம் காத்து வருவதால், விஜய் நடிப்பது கிட்டத்தட்ட உறுதி தான் எனவும் கணிக்கின்றன ஊடகங்கள்
