விஜய்யின் 68 வது பட அப்டேட் - மீண்டும் தெலுங்கு இயக்குனருடன் கைகோர்க்கிறாரா? கொந்தளிக்கும் ரசிகர்கள்
செய்தி முன்னோட்டம்
தமிழ் சினிமாவின் முன்னணி நடிகர்களில் ஒருவரான விஜய் தற்போது லோகேஷ் கனகராஜ் இயக்கதில் லியோ படத்தில் நடித்து வருகிறார்.
அந்த திரைப்படம் கிட்டத்தட்ட முக்கால்வாசி முடிந்துள்ளது. இந்த படத்தை அக்டோபர் 19 ஆம் தேதி வெளியிட படக்குழு முடிவு எடுத்துள்ளது.
லியோ ரசிகர்களுக்கு பிடித்த படமாகவும் செம்ம ட்ரீட் ஆகவும் இருக்கும் என விஜய் நம்பிக்கையுடன் உள்ளார்.
இப்படத்தை தொடர்ந்து விஜய் 68 வது படத்தில் தெலுங்கு இயக்குனர் கோபிசந்த் இயக்கத்தில் நடிக்க இருப்பதாக சினிமா வட்டாரத்தில் கூறப்பட்டுள்ளது.
மேலும், விஜய் நடிக்கும் 68 வது திரைப்படத்தை ஆர்.பி. செளத்ரி தயாரிக்க உள்ளதாக கூறப்படுகிறது.
விஜய் 68 பட அப்டேட்
மீண்டும் தெலுங்கு இயக்குனருடன் கைகோர்க்கும் விஜய் - ரசிகர்கள் ஆதங்கம்
தொடர்ந்து இப்படத்தின் படப்பிடிப்பு செப்டம்பர் மாதம் தொடங்கப்படும் எனவும், அடுத்த ஆண்டு தமிழ் புத்தாண்டில் இப்படம் வெளியாகும் எனவும் கூறப்படுகிறது.
இதற்கான ஒப்பந்தங்களும் கையெழுத்தாகியுள்ளதாம். எனவே, லியோ படம் இந்த ஆண்டு வெளியாக உள்ள நிலையில், 68 வது படத்திற்கான அப்டேட் விரைவில் வெளியாகு எனக்கூறப்படுகிறது.
ஏற்கனவே நடிகர் விஜய், வம்சி இயக்கத்தில் வாரிசு படத்தில் நடித்திருந்தார்.
அந்த படம் மிகப்பெரிய அளிவில் விமர்சனத்தை சந்தித்தது. விஜய் இனி தெலுங்கு பட இயக்குனருடன் நடிக்க வேண்டாம் என ரசிகர்கள் கூறி வரும் நிலையில், மீண்டும் கைகோர்க்க உள்ள தகவல் ரசிகர்களை அதிர்ச்சியிலேயே ஆழ்த்தியிருக்கிறது.