இந்த வாரம், தமிழ் புத்தாண்டிற்கு வெளியாக போகும் தமிழ் படங்களின் பட்டியல்
செய்தி முன்னோட்டம்
நாளை ஏப்ரல் 14, தமிழ் புத்தாண்டை முன்னிட்டு பல தமிழ் திரைப்படங்கள் திரையரங்குகளில் வெளியாக காத்திருக்கிறது. அவற்றின் பட்டியல் இதோ: ருத்ரன்: இத்திரைப்படத்திற்கு, நீதிமன்ற தடை விதிக்கப்பட்டுள்ளது. இருப்பினும் படத்தின் புக்கிங் ஏற்கனவே தொடங்கி விட்ட நிலையில், படம் குறிப்பிட்டபடி வெளியாகுமா என ரசிகர்கள் இன்னும் குழம்பியுள்ளனர். இருப்பினும், படத்திற்கான விளம்பரங்களை தயாரிப்பு தரப்பு செய்வதை பார்த்தால், பிரச்சனை தீர்க்கப்பட்டுள்ளதாக தெரிகிறது. சொப்பன சுந்தரி: ஐஸ்வர்யா ராஜேஷ் தான், கதையின் நாயகி. இந்த படத்தை, எஸ்.ஜி.சார்லஸ் என்பவர் இயக்கியுள்ளார். திருவின் குரல்: வித்தியாசமான கதைகளை தேர்வு செய்யும் அருள்நிதியின் அடுத்த ரிலீஸ் இது. அருள்நிதியுடன், பாரதிராஜா நடிக்கிறார். படத்தின் அறிவிப்பு வெளியானது முதல், எதிர்பார்ப்பு அதிகரித்துள்ளது. இந்த படத்தை, ஹரிஷ் பிரபு இயக்கியிருக்கிறார்.
card 2
சமந்தா நடிப்பில் 3D -யில் வெளியாகப்போகும் சாகுந்தலம்
சாகுந்தலம்: சமந்தா ரூத் பிரபு நடிப்பில் உருவாகியுள்ள இதிகாச கதை. படத்தின் கரு அனைவருக்கும் தெரிந்ததாகையால், படத்தின் கிராபிக்ஸ் மற்றும் சமந்தாவிற்காக இந்த படத்தை ரசிகர்கள் பெரிதும் எதிர்பார்க்கின்றனர். இந்த திரைப்படம் பல மொழிகளில் வெளியாகவிருக்கிறது. தமிழரசன்: பிச்சைக்காரன் 2 வெளியாகும் என எதிர்பார்த்த நிலையில், விஜய் ஆண்டனியின் அடுத்த அறிவிப்பான 'தமிழரசன்' முதலில் திரைக்கு வருகிறது. இந்த திரைப்படத்தை, பாபு யோகேஸ்வரன் இயக்கியுள்ளார். ரிப்பப்பரி: 'மாஸ்டர்' திரைப்படத்திற்கு பிறகு, பொறுமையாக கதைகளை தேர்வு செய்து, மாஸ்டர் மகேந்திரன் நாயகனாக நடித்துள்ள திரைப்படம் 'ரிப்பப்பரி'. இந்த படத்தை, அருண் கார்த்திக் இயக்கியுள்ளார்.