அதிர்ச்சி; வெளிநாட்டு ஓடிடி தளத்தில் வெளியான விஜயின் தி கோட்
செய்தி முன்னோட்டம்
இயக்குனர் வெங்கட் பிரபு இயக்கத்தில் நடிகர் விஜய் நடிப்பில் தயாரான தி கோட் திரைப்படம் கடந்த செப்டம்பர் 5ஆம் தேதி உலகம் முழுவதும் திரையரங்குகளில் வெளியானது.
இதில், நடிகர்கள் பிரபுதேவா, பிரஷாந்த், மோகன், சினேகா, லைலா உள்ளிட்ட பலர் நடித்துள்ள நிலையில், சிவகார்த்திகேயன் சிறப்பு தோற்றத்தில் நடித்துள்ளார்.
விஜய் தந்தை மகன் என இரட்டை வேடத்தில் நடித்த இந்த படம் அறிவியல் புனைவை அடிப்படையாகக் கொண்ட ஆக்ஷன் த்ரில்லர் படமாகும்.
யுவன் ஷங்கர் ராஜா இசையமைத்துள்ள இந்த படத்தை ஏஜிஎஸ் எண்டெர்டைன்மெண்ட்ஸ் நிறுவனம் தயாரித்தது.
படம் வெளியாகி ரசிகர்களிடையே நல்ல வரவேற்பைப் பெற்ற நிலையில், தற்போதுவரை உலகளவில் ரூ.450 கோடி வசூல் செய்துள்ளதாகவும், தமிழகத்தில் மட்டும் ரூ.200 கோடி வசூல் செய்துள்ளதாகவும் கூறப்படுகிறது.
ஓடிடி ரிலீஸ்
தி கோட் ஓடிடி ரிலீஸ்
தி கோட் திரைப்படம் தியேட்டர்களில் இன்னும் ஓடிக்கொண்டிருக்கும் நிலையில், வெளிநாடுகளில் பணம் கட்டி பார்க்கும் ஐந்துசன் என்ற பணம் செலுத்தி பார்க்கும் ஓடிடி தளத்தில் வெளியாகிவிட்டதாக கூறப்படுகிறது.
இதன் மூலம், படத்தின் உயர்தர எச்டி பிரிண்ட் டெலிகிராம் போன்ற தளங்கள் மூலம் இந்தியாவிலும் பரவும் என்பதால், படக்குழு மற்றும் ரசிகர்கள் அதிர்ச்சியடைந்துள்ளனர்.
இதற்கிடையே, படத்தின் ஓடிடி ரிலீஸ் வரும் அக்டோபர் 3ஆம் தேதி நெட்ஃபிலிக்ஸ் தளத்தில் வெளியிடப்பட உள்ளதாக தகவல் வெளியாகியுள்ளது.
இதில், படத்திலிருந்து நீக்கப்பட்ட 20 நிமிட கூடுதல் காட்சிகளும் சேர்க்கப்பட்டு வெளியிடப்படும் என முன்னர் இயக்குனர் வெங்கட் பிரபு கூறியிருந்தது குறிப்பிடத்தக்கது.
அதில், சிவகார்த்திகேயன் மற்றும் மோகனுக்கு அடுத்து என்ன நடந்தது என்பன போன்ற தகவல்கள் இருக்கலாம் என எதிர்பார்க்கப்படுகிறது.