'வாரிசு' பட வெற்றியை கொண்டாட, விஜயுடன் இருக்கும் BTS விடியோவை பகிர்ந்த ஷாம்
ஜனவரி 11ஆம் தேதி வெளியான வாரிசு படம், அமோக வசூலை பெற்றுள்ளதாக படக்குழுவினர் தெரிவித்துள்ளனர். 7 நாட்களில், 210 கோடி வசூலித்துள்ளதாக செய்திகள் தெரிவிக்கின்றன. இந்த வெற்றியை கொண்டாடும் விதமாக, ஒரு BTS விடியோவை வெளியிட்டுள்ளார் ஷாம். அதில், ஷாமும், விஜயும் ஒரு பேட்டரி காரில் செல்வது போல உள்ளது. காரை விஜய் இயக்குகிறார். மேலும் அந்த வீடியோவில், விஜயை "ஆல்டைம் பாக்ஸ் ஆபிஸ் கிங்" என்று குறிப்பிட்டுள்ளார். இந்த வீடியோ ஹைதிராபாத்தில், படப்பிடிப்பில் இருந்தபோது எடுக்கப்பட்டது என செய்திகள் தெரிவிக்கின்றன. ஷாம் தனது திரையுலக பயணத்தை, விஜயின் 'குஷி' படத்தில் துவங்கினார் என்பது குறிப்பிடத்தகுந்தது. 'வாரிசு' படத்தில், ரஷ்மிகா மந்தனா, சரத் குமார், பிரகாஷ் ராஜ், யோகி பாபு உள்ளிட்டோர் நடித்துள்ளனர்.
