தளபதி 67 : 'விக்ரம்' படத்தை தொடர்ந்து, LCU -வில் இணைய போகிறாரா கமல்ஹாசன்?
தளபதி 67 படத்திற்கு நித்தம் ஒரு புதிய அப்டேட்டாக இணையத்தில் ஏதேனும் ஒரு புதிய செய்தி வைரலாகி வருகிறது. தற்போது, விக்ரம் படத்தை தொடர்ந்து, லோகேஷ் சினிமாட்டிக் யூனிவெர்ஸில், உலக நாயகன் கமல் ஹாசனும் இணைவார் என்ற செய்தி பரவி உள்ளது. 'மாஸ்டர்' படத்திற்கு பிறகு, நடிகர் விஜய்யும், இயக்குனர் லோகேஷ் கனகராஜும் இணைந்துள்ள 'தளபதி 67 ' படத்தில், விஜய்க்கு, கேங்ஸ்டர் கதாபாத்திரம் என்றும் கூறப்படுகிறது. 'விக்ரம்' படத்தில், சூர்யா செய்ததை போல, 'தளபதி 67 'இல் கமல்ஹாசனும் நடிப்பார் என்றும் ஊடகங்கள் தெரிவிக்கின்றன.
விஜயுடன் இணையும் பஹத் பாசில்?
ஏற்கனவே, இப்படத்தில், தானும் நடிக்க வாய்ப்பிருப்பதாக நடிகர் பஹத் பாசில் தெரிவித்துள்ளார். படத்தின் படப்பிடிப்பு, தற்போது கொடைக்கானலில் நடந்து வருவதாகவும் கூறப்படுகிறது. இப்படத்தில், இயக்குனர் கௌதம் மேனனும், இயக்குனர் மிஷ்கினும் முக்கிய வேடத்தில் நடிக்கிறார்கள். இவர்களோடு ஹிந்தி பட நடிகர் சஞ்சய் தத்தும் நடிப்பதாக தெரியவந்துள்ளது. படத்தில், விஜய்க்கு ஜோடியாக நடிகை திரிஷா நடிக்கவுள்ளார் எனவும் கூறப்பட்டுள்ளது. மேலும் பிக் பாஸ் பிரபலமான ஜனனியும் இப்படத்தில் இணைந்துள்ளதாக செய்திகள் பரவி வருகின்றனர். எனினும், படத்தை குறித்து அதிகாரபூர்வ தகவல்கள் விரைவில் வெளியிடப்படும் என இயக்குனர் லோகேஷ் கனகராஜ் கூறியிருந்தார். இந்த வாரத்தில் அறிவிப்புகள் வரலாம் என ரசிகர்கள் எதிர்பார்க்கின்றனர்.
