90-களில் வந்த ஷக்கலக்கா பூம்பூம் சீரியல் ஞாபகம் இருக்கிறதா? அந்த மந்திர பேனா தற்போது விற்பனைக்கு வந்துள்ளது
செய்தி முன்னோட்டம்
90'ஸ் கிட்ஸ் அனைவரும் கட்டாயம் ஷக்கலக்கா பூம்பூம் சீரியலை பார்த்திருப்பார்கள். குறைந்தபட்சம் அந்த தொடர் எதை பற்றி பேசுகிறது என்பதாவது தெரிந்திருக்கும்.
அதில் வந்த சஞ்சுவின் கதாபாத்திரமும், அவன் வைத்திருந்த மந்திர பென்சிலும் பலரையும் கவர்ந்தது.
அந்த மாய பென்சிலின் மகத்துவம் என்னவென்றால், அதைக்கொண்டு வரையப்படும் அனைத்தும் உயிர் பெற்று நிஜஉலகில் நடக்கும்.
அந்த பென்சிலுக்கு சந்தையில் வரவேற்பு இருந்ததால், பல போலி பென்சில்கள் அப்போது விற்பனைக்கு வந்தன. பார்ப்பதற்கு அசல் மாஜிக் பென்சில் போலவே தோற்றம் தரும், ஆனால் எழுதும் போது தான் தெரியும், அது சாதாரண பென்சில் என்று. அதை நம்பி வாங்கிய சிறுவர்கள் ஏமாற்றம் அடைந்தது தான் மிச்சம்.
3டி பிரிண்டர் பேனா
நிஜமான மேஜிக் பென்சில்
தற்போது, உங்கள் ஏக்கங்களை போக்க, அதே போன்ற மந்திர பென்சில் ஒன்று விற்பனைக்கு வந்துள்ளது. சிறு மாற்றம், அது பென்சில் அல்ல, அது ஒரு பேனா.
அந்த பேனாவின் மகத்துவம் என்னவெனில், எந்தப் படத்தையும் உயிர்ப்பிக்காமல், பிரதி எடுக்கும்.
இ-காமர்ஸ் இணையதளங்களில் "3டி பிரிண்டர் பேனாக்கள்" என நீங்கள் அந்த மாயாஜால பென்சிலை(பேனா) தேடலாம். இந்த பிரிண்டர் பேனாக்கள், ரூ.700 தொடங்கி ரூ.2,500 வரை பல்வேறு விலைகளில் கிடைக்கிறது.
இந்த வகை பேனா, மின்சாரத்தால் இயங்கும் பிளாஸ்டிக் பேனாவாகவும். இதைக்கொண்டு எந்த பொருளையும் 3D வடிவத்தில் உருவாக்க முடியும் எனக்கூறப்படுகிறது.