ஸ்டிரைக்கை தென்னிந்திய நடிகர் சங்கமும் ஒருபோதும் ஆதரிக்காது: தென்னிந்திய நடிகர் சங்கம்
செய்தி முன்னோட்டம்
தமிழ்த் திரைப்பட தயாரிப்பாளர்கள் சங்கம், நவம்பர் 1-ஆம் தேதி முதல் புதிய தமிழ்த் திரைப்படங்களின் தயாரிப்பு பணிகளை நிறுத்த போவதாக நேற்று அறிவித்தது.
அதற்கு எதிர்வினையாற்றிய தென்னிந்திய நடிகர் சங்கம் இது பெரும் பாதிப்பை ஏற்படுத்தும் என தெரிவித்துள்ளது.
நடிகர் சங்கம் வெளியிட்ட அறிக்கையின்படி,"தமிழ்த் திரைத் துறையில் மறுசீரமைப்பை ஏற்படுத்த வேண்டும் என்பதற்கான பேச்சுவார்த்தைகள் தீவிரமாக நடந்து வருகின்ற நிலையில், 'புதிய படங்களின் படப்பிடிப்பு இல்லை' என்ற முந்தைய தீர்மானம் மாற்றப்பட்டு, கடந்த மாதம் புதிய படங்களை துவங்கிய நிலையில், மீண்டும் வேலை நிறுத்தம் செய்வதாக அறிவிக்கப்பட்டது, இது குழப்பத்தை ஏற்படுத்துகிறது" என கேட்கிறது.
ட்விட்டர் அஞ்சல்
Twitter Post
தயாரிப்பாளர்கள் சங்கம் எடுத்த இந்த தன்னிச்சையான முடிவினால் மிகப் பெரும் பாதிப்பிற்கு உள்ளாகப் போவது தமிழ்த் திரைத்துறை தொழிலாளிகள் மட்டுமல்ல. முதலீடு செய்யும் முதலாலிகளும் தான்!
— nadigarsangam pr news (@siaaprnews) October 30, 2024
ஸ்டிரைக்கை தென்னிந்திய நடிகர் சங்கமும் ஒருபோதும் ஆதரிக்காது..
- #NadigarSangam #siaa pic.twitter.com/GtqEY4ckyK
பாதிப்புகள்
இந்த வேலை நிறுத்தம் தேவையற்றதாகவே கருதப்படுகிறது என்கிறது நடிகர் சங்கம்
"இந்த முடிவால் தமிழ்த் திரைத்துறை தொழிலாளர்கள் மட்டுமல்ல, முதலீட்டாளர்களுக்கும் பெரிய இழப்புகள் ஏற்படும். உரையாடல் மூலம் சிக்கல்களை தீர்க்க முயற்சிக்கும்போது, இந்த வேலை நிறுத்தம் தேவையற்றதாகவே கருதப்படுகிறது," என அந்த அறிக்கை தெரிவித்தது.
"இத்தகைய நடவடிக்கைகளை தென்னிந்திய நடிகர் சங்கம் ஆதரிக்கவில்லை. எப்போதும் தொழிலாளர்களின் நன்மைக்கான நடவடிக்கைகளில் ஒன்றிணைந்து செயல்பட்டு வந்துள்ளோம். இனியும் அதை தொடர்ந்தே, தொழிலாளர் வாழ்வுரிமையை காக்கும் நோக்கில் தொழிலாளர் மேம்பாட்டிற்கும், சீரமைப்பிற்கும் முயற்சி செய்வோம்," என தென்னிந்திய நடிகர் சங்கம் உறுதியளித்துள்ளது.