தனுஷின் 'கேப்டன் மில்லர்' படத்தின் மேக்கிங் வீடியோ வெளியானது
தனுஷ் நடிக்கும் 'கேப்டன் மில்லர்' படத்தின் மேக்கிங்-வீடியோ நேற்று (ஜன.22) வெளியானது. பீரியட் படமாக உருவாகி வரும், இந்த படத்தை 'சாணி காயிதம்' புகழ் அருண் மாதேஸ்வரன் இயக்குகிறார். கடந்த ஆண்டு செப்டம்பர் 22-ம் தேதி, இப்படத்தின் முதல் அறிவிப்பு வந்த நிலையில், தற்போது, இந்த மேக்கிங் வீடியோ வெளியிடப்பட்டுள்ளது. சத்யா ஜோதி பிலிம்ஸ் தயாரிக்கும் இப்படத்தில், தனுஷிற்கு ஜோடியாக ப்ரியங்கா அருள் மோகன் நடிக்கிறார். அவர்களுடன், பிரபல தெலுங்கு நடிகர் சந்தீப் கிஷன், நாசர், விஜி சந்திரசேகர், நிவேதிதா சதிஷ் மற்றும் ஜான் கொக்கன் ஆகியோரும் நடித்துள்ளனர். ஜி.வி. பிரகாஷ் படத்திற்கு இசை அமைக்கிறார். தற்போது வெளியாகி இருக்கும் இந்த மேக்கிங் வீடியோ, இணையம் முழுவதும் வைரல் ஆகி வருகிறது.
