எந்த படத்தை, எங்கு பார்க்கலாம்: இந்த வாரம் ஓடிடியில் வெளியாகியுள்ள படங்களின் பட்டியல்
செய்தி முன்னோட்டம்
இந்த வாரம், அஜித்குமாரின் துணிவு முதல் ஹன்சிகா மோத்வானியின் திருமண வைபவம் வரை, நீங்கள் OTT தளத்தில் விரும்பி பார்க்க வேண்டிய படங்களின் பட்டியல் இதோ:
துணிவு: நேற்று(பிப் 8 ), நெட்ஃபிலிக்ஸ்சில் வெளியாகியுள்ள இந்த படம், அஜித்குமார் நடிப்பில், H வினோத் இயக்கத்தில், பொங்கல் விடுமுறையை ஒட்டி வெளியானது. அஜித்துடன், மஞ்சு வாரியர், சமுத்திரக்கனி, ஜான் கோக்கேன், கதிர் மற்றும் பலர் இந்த படத்தில் முக்கிய வேடத்தில் நடித்திருந்தனர். ஜிப்ரான் இந்த படத்திற்கு இசையமைத்துள்ளார்.
நான் மிருகமாய் மாற: இந்த வார தொடக்கத்தில்,(பிப் 6), SunNXT செயலியில் வெளியாகியுள்ள இந்த படத்தில், சசிகுமார் நடித்துள்ளார். சத்யசிவா இயக்கத்தில், விக்ராந்த், ஹரிப்பிரியா ஆகியோரும் முக்கிய வேடத்தில் நடித்துள்ளனர். இந்த படத்திற்கும் இசை ஜிப்ரான்.
ஓடிடி
விஜய் சேதுபதியின் OTT பயணம்
பார்ஸி: பிரைம் வீடியோவில், பிப்ரவரி 10, நேரடியாக வெளியாகவுள்ள இந்த படத்தில், விஜய் சேதுபதி மற்றும் ஹிந்தி நடிகர் ஷாஹித் கபூர் ஆகியோர் நடித்துள்ளனர். க்ரைம்-த்ரில்லராக உருவாகி வரும் இந்த படத்தை, 'தி ஃபேமிலி மேன்' தொடரின் இயக்குனர்களான, ராஜ் மற்றும் டிகே இயக்குகிறார்கள்.
லவ் ஷாதி ட்ராமா: டிஸ்னி +ஹாட்ஸ்டாரில், பிப்ரவரி 10 வெளியாகவுள்ள இந்த டாக்குமெண்ட்ரி படம், நடிகை ஹன்சிகாவின் திருமண வைபவத்தை பற்றியது.
வேதா: கன்னட மொழி ஆக்ஷன் த்ரில்லரான 'வேதா', Zee5-இல் பிப்ரவரி 10 வெளியாகும் என அறிவிக்கப்பட்டுள்ளது. ஹர்ஷா இயக்கிய இப்படத்தில், சிவ ராஜ்குமார் முக்கிய வேடத்தில் நடித்துள்ளார். கன்னட மொழியுடன், மலையாளம், தமிழ், தெலுங்கு மற்றும் ஹிந்தியிலும், இந்த படம் வெளியாகப்போகிறது என கூறப்பட்டுள்ளது.