செப்., 30ஆம் தேதி லியோ இசை வெளியீட்டு விழா: கட்டுப்பாடுகள் விதிப்பு
செய்தி முன்னோட்டம்
விஜய் ரசிகர்கள் மிகவும் எதிர்பார்த்துக்கொண்டிருந்த 'லியோ' படத்தின் இசை வெளியீட்டு விழா வரும் செப்டம்பர் 30ஆம் தேதி நடைபெறும் என விஜய் நற்பணி மன்ற தலைவர், புஸ்ஸி ஆனந்த் ஏற்கனவே தெரிவித்திருந்தார்.
இதனை தொடர்ந்து, இதில் கலந்துகொள்ள, மாவட்டந்தோறும், விஜய் ரசிகர்களுக்கு நுழைவு சீட்டுகள் ஒதுக்கப்பட்டுள்ளதாகவும் செய்திகள் வெளியாகின.
இந்த நிலையில், இதில் கலந்துகொள்ள வருகை தரவுள்ள ரசிகர்களுக்கு கட்டுப்பாடுகள் விதிக்கப்பட்டுள்ளதாக சமூக வலைத்தளங்களில் கூறப்படுகிறது.
அதன்படி, இசை வெளியீட்டு விழாவுக்கு நற்பணி மன்ற நிர்வாகிகள் 200 பேர் அழைக்கப்பட உள்ளதாகவும், இவர்கள், பொதுமக்களுக்கு இடையூறு இல்லாமல் சொந்த வாகனங்களில் ரசிகர்கள் விழாவில் பங்கேற்க வேண்டும் எனவும் உத்தரவிடப்பட்டுள்ளதாம்.
அதேபோல, விழா அரங்கின் வெளியே பேனர் வைக்க தடை செய்யப்பட்டுள்ளதாகவும் தெரிவிக்கப்பட்டுள்ளது.
card 2
லியோ போஸ்டர் ஃபீஸ்ட்
இந்த நிலையில், படத்தின் ப்ரோமோஷன் வேலைகளில் படக்குழு இறங்கியுள்ளது.
நேற்று '#லியோபோஸ்டர்ஃபீஸ்ட்' (#leoposterfeast) என பதிவிட்டு, தெலுங்கு பதிப்பின் போஸ்ட்டரை வெளியிட்டனர். தினம் ஒரு போஸ்டர் வீதம் வெளியிடப்போவதாகவும் நேற்று அறிவித்தனர்.
அதன் படி, இன்று மாலை, லியோ படத்தின் கன்னட பாதிப்பு போஸ்டர் வெளியிடப்படும் என படக்குழு அறிவித்துள்ளது.
இன்னும் மலையாளம் மற்றும் ஹிந்தி போஸ்டர்களை வெளியிட்டு, படத்தை பற்றிய அறிவிப்புகள் ஒவ்வொன்றாக வெளியாகும் என எதிர்பார்க்கப்படுகிறது.
அதோடு படத்தின் இசை வெளியீட்டு விழா சென்னை நேரு உள்விளையாட்டு அரங்கில் நடைபெறும் என்பதன் அறிவிப்பும் வெளியாகும் என கூறப்படுகிறது.
'லியோ' திரைப்படம் வரும் அக்டோபர் மாதம் 19-ஆம் தேதி வெளியாக உள்ளது குறிப்பிடத்தக்கது.