அக்கா: பாலிவுட் வெப் தொடரில் ராதிகா ஆப்தேவுடன் இணைந்து நடிக்கும் கீர்த்தி சுரேஷ்
செய்தி முன்னோட்டம்
பாலிவுட்டின் பிரபல தயாரிப்பு நிறுவனமான யாஷ் ராஜ் ஃபிலிம்ஸின் ஸ்ட்ரீமிங் பிரிவான ஒய்ஆர்எஃப் என்டர்டெயின்மென்ட் , 'அக்கா' என்ற தனது மூன்றாவது வெப் தொடரை தொடங்கவுள்ளது.
இந்த பழிவாங்கும்- திரில்லர் படத்தில் கீர்த்தி சுரேஷ் மற்றும் ராதிகா ஆப்தே ஆகியோர் முக்கிய வேடங்களில் நடிப்பதாக கூறப்படுகிறது .
YRF இன் முதல் வலைத் தொடரான 'தி ரயில்வே மென்' நேர்மறை விமர்சனங்களைப் பெற்றது.
அதனை தொடர்ந்து, வாணி கபூரின் க்ரைம் த்ரில்லரான 'மண்டலா மர்டர்ஸ்' தயாரிப்பில் உள்ளது. அதனை தொடர்ந்து அக்கா தொடர் ஒளிபரப்பப்படவுள்ளது.
இத்தொடர் மூலம், கீர்த்தி சுரேஷ் மற்றும் ராதிகா ஆப்தே முதல்முறையாக இணையவுள்ளனர். இத்தொடரின் பெயரின் படி, இவர்கள் இருவரும் இத்தொடரில் சகோதரிகளாக நடிக்கலாம் எனவும் யூகிக்கப்படுகிறது.
card 2
பாலிவுட்டில் அறிமுகமாகும் கீர்த்தி சுரேஷ்
ஆதித்யா சோப்ராவால் அறிமுகப்படுத்தபட்ட எழுத்தாளரும் இயக்குநருமான தர்மராஜ் ஷெட்டியின் சிந்தனையில் உருவானது இந்தத் தொடர்.
கீர்த்தி சுரேஷ் தமிழ், மலையாளம், தெலுங்கு என தென்னிந்தியா மொழிகளில் தன்னுடைய முத்திரையை பதித்த பிறகு, தற்போது பாலிவுட்டில் கவனம் செலுத்தி வருகிறார்.
ஏற்கனவே கீர்த்தி சுரேஷ், தெறி படத்தின் ரீமேக்கில் வருண் தவானுடன் நடிக்கிறார். அதுதான் அவரின் முதல் நேரடி ஹிந்தி திரைப்படமாகும்.
அதனை தொடர்ந்து தற்போது இந்த 'அக்கா' வெப் தொடரின் மூலம் அவர் சின்னத்திரைக்கு அறிமுகமாகிறார்.
அதுவும் ஹிந்தி மொழியிலேயே என்பது கூடுதல் சுவாரசியம்.