தீபாவளிக்கு வெளியாக போகிறது ஜிகர்தண்டா டபுள் X
கார்த்திக் சுப்புராஜ் இயக்கத்தில், 2014-ஆம் ஆண்டு வெளியாகி சூப்பர்-டூப்பர் ஹிட்டான திரைப்படம் தான் 'ஜிகர்தண்டா'. அவரின் இரண்டாம் திரைப்படம் அது. சித்தார்த், லட்சுமி மேனன், பாபி சிம்ஹா நடிப்பில் வெளியான இந்த திரைப்படத்திற்கு, சிறந்த துணை நடிகருக்கான தேசிய விருது, பாபி சிம்ஹாவிற்கு கிடைத்தது. படத்தின் வெற்றி, அவரை இரண்டாம் பாகம் எடுக்க தூண்டியது. அதன் தொடர்ச்சியாக தற்போது 'ஜிகர்தண்டா டபுள் X' என்ற தலைப்பில் எடுத்து வருகிறார். இந்த திரைப்படத்தில், ராகவா லாரன்ஸ் மற்றும் S.J.சூர்யா ஆகியோர் முன்னணி வேடத்தில் நடிக்கின்றனர். கடந்த ஜனவரி மாதமே படத்தின் ஷூட்டிங் முடிவடைந்த நிலையில், தற்போது படத்தின் ரிலீஸ் தேதியை அறிவித்துள்ளனர். படக்குழுவின் அறிவிப்பின்படி, இந்த படம், வரும் தீபாவளிக்கு திரைக்கு வரவிருக்கிறது.
