ஜெயம் ரவியின் 'இறைவன்' திரைப்பட ட்ரைலர் வெளியானது
'என்றென்றும் காதல்', 'மனிதன்' உள்ளிட்ட திரைப்படங்களின் இயக்குனர் அகமது இயக்கத்தில் நடிகர் ஜெயம் ரவி நடித்துள்ள திரைப்படம் தான் 'இறைவன்'. இதில் இவருக்கு ஜோடியாக நயன்தாரா நடித்துள்ளார், யுவன் சங்கர் ராஜா இசையமைத்துள்ளார். தமிழ், மலையாளம், தெலுங்கு, கன்னடம் உள்ளிட்ட மொழிகளில் வெளியாகவுள்ள இப்படம் முன்னதாக ஆகஸ்ட் 25ம் தேதி வெளியாகும் என்று அறிவிக்கப்பட்டிருந்தது. ஆனால் சில காரணங்களால் இப்படம் வெளியாகாத நிலையில், தற்போது வரும் 28ம் தேதி வெளியாக வாய்ப்புள்ளது என்று கூறப்படுகிறது. முழுக்க முழுக்க க்ரைம் த்ரில்லர் கதைக்களத்தினை கொண்ட இப்படத்தில் ஜெயம் ரவி போலீஸ் கதாபாத்திரத்தில் நடித்துள்ளார் என்று கூறப்படுகிறது. இந்நிலையில் இப்படத்தின் ட்ரைலர் அண்மையில் இணையத்தில் வெளியாகி அதிகளவில் பகிரப்பட்டு வருகிறது என்பது குறிப்பிடத்தக்கது.
