ஜெயம் ரவியின் 'அகிலன்' படத்தின் முதல் சிங்கிள் 'துரோகம்' வெளியானது
நடிகர் ஜெயம் ரவி நடிப்பில் உருவாகியுள்ள 'அகிலன்' திரைப்படம், வரும் மார்ச் 10ஆம் தேதி திரைக்கு வர உள்ள நிலையில், இந்த படத்தின் முதல் பாடல் இன்று வெளியாகியுள்ளது. கல்யாண் கிருஷ்ணன் இயக்கத்தில் உருவாகியுள்ள இந்த படத்தின், முதல் சிங்கிள் பாடலை இன்று படத்தயாரிப்பாளர்கள் வெளியிட்டுள்ளனர். விவேக் எழுதிய 'துரோகம்' என்ற சிங்கிள் பாடலை படியிருப்பவர், படத்தின் இசையமைப்பாளர் சாம் சிஎஸ். ஸ்க்ரீன் சீன் மீடியா என்டர்டெயின்மென்ட் தயாரிக்கும் இந்த படத்தில், ஜெயம் ரவி, இரட்டை வேடத்தில் நடிப்பதாகவும், அதில் ஒரு கதாபாத்திரம் கடற்படை அதிகாரி என்றும், மற்றவர் வில்லன் வேடத்தில் நடிப்பதாகவும் செய்திகள் தெரிவிக்கின்றன. படத்தில், ஜெயம் ரவியுடன், பிரியா பவானி சங்கர் மற்றும் தான்யா ஆகியோர் முக்கிய வேடத்தில் நடித்துள்ளனர்.