வரலாறு படைக்கும் ஜெயிலர் வசூல்; ஒரே வாரத்தில் ₹375.40 கோடி வசூல்
சென்ற வாரம் வெளியான 'ஜெயிலர்' திரைப்படம், தொடர்ந்து பல சாதனைகளை படைத்தது வருகிறது. முதலில் படத்தின் ட்ரைலர், யூட்யூபில் வெளியான சில மணி நேரத்தில் அதிகமான வியூஸ்களை பெற்று சாதனை பெற்றதாக தெரிவிக்கப்பட்டது. தொடர்ந்து, படத்தின் முதல் பாடலான, 'காவாலா' பாடலும், அதே போன்றதொரு சாதனையை படைத்தது. படத்தின் டிக்கெட் விற்பனையும் சாதனை படைத்த நிலையில், தற்போது திரைப்படம் வெளியாகி ஒரு வாரத்தில், தமிழ் சினிமாவில் முன்னெப்போதும் இல்லாத, வரலாற்றில் முதல்முறையாக, வெளியான முதல் வாரத்திலேயே ₹375.40 கோடி வசூலித்து சாதனை படைத்த சூப்பர் ஸ்டார் ரஜினிகாந்த்தின் 'ஜெயிலர்' திரைப்படம் என அதிகாரபூர்வமாக படக்குழு அறிவித்துள்ளது. நெல்சன் இயக்கத்தில் வெளியான இந்த திரைப்படத்தில், மோகன்லால், சிவராஜ்குமார், ரம்யா கிருஷ்ணன் மற்றும் பலர் நடித்துள்ளனர்