தளபதி 67: எகிறிய எதிர்ப்பார்ப்பு, வந்தது முதல் அறிவிப்பு!
செய்தி முன்னோட்டம்
தளபதி 67 படத்தை பற்றிய முதல் அறிவிப்பை, நேற்று மாலை (ஜனவரி 30) வெளியிட்டது தயாரிப்பாளர் தரப்பு.
அறிவிப்பு வெளியானது முதல், இணையம் முழுவதும் #thalapathy67 மற்றும் #nuclearblast என்ற ஹேஷ்டேக் ட்ரெண்ட் ஆகி வருகிறது.
ஏற்கனவே அறிவித்திருந்தை போல, தளபதி 67 படத்தை லோகேஷ் கனகராஜ் இயக்குகிறார்.
இசையமைப்பாளராக அனிருத் இணைந்துள்ளார் என ஏற்கனவே அறிந்ததே. கத்தி, மாஸ்டர், பீஸ்ட் படத்தை தொடர்ந்து நான்காவது முறையாக விஜய் படத்திற்கு இசை அமைக்க போகிறார் அனிருத்.
நண்பன், பீஸ்ட் படங்களை அடுத்து, இப்படத்திலும் மனோஜ் பரமஹம்சா ஒளிப்பதிவாளராக இணைந்துள்ளார்.
விக்ரம் படத்தின் சண்டை காட்சிகள் பெரிதாக பேசப்பட்டதை அடுத்து, இப்படத்திற்கும் சண்டை பயிற்சியாளராக, இரட்டையர்களான அன்பறிவு இணைகின்றனர்.
ட்விட்டர் அஞ்சல்
தளபதி 67 படத்தை பற்றிய அப்டேட்
The one the only brand #Thalapathy67, is proudly presented by @7screenstudio 🔥
— Seven Screen Studio (@7screenstudio) January 30, 2023
We are excited in officially bringing you the announcement of our most prestigious project ♥️
We are delighted to collaborate with #Thalapathy @actorvijay sir, for the third time. @Dir_Lokesh pic.twitter.com/0YMCbVbm97
தளபதி 67
ஜனவரி 2ஆம் தேதி துவங்கிய படப்பிடிப்பு
நடன இயக்குனராக இம்முறை தினேஷ் மாஸ்டர் இணைந்துள்ளார். மாஸ்டர் படத்தில் 'வாத்தி கம்மிங்' என்ற பாடல் ஹிட் ஆனதை அடுத்து, மீண்டும் தினேஷ் மாஸ்டர் இந்த படத்திலும் இணைகிறார்.
விஜயின் முந்தைய படங்களான பீஸ்ட் மற்றும் வாரிசு படங்களில் விஜயின் நடன அசைவுகள் ரசிகர்களுக்கு திருப்தி அளிக்காத நிலையில், இந்த மாற்றம் நிகழ்ந்துள்ளது என செய்திகள் தெரிவிக்கின்றன.
செவென் ஸ்க்ரீன் ஸ்டுடியோஸ் லலித் குமார் மற்றும் ஜெகதீஷ் பழனிசாமி இணைந்து தயாரிக்கும் இந்த படத்தின் வசனத்தை, லோகேஷுடன் இணைந்து ரத்ன குமார் மற்றும் தீரஜ் வைத்தி ஆகியோர் எழுதியுள்ளனர்.
படத்தின் படப்பிடிப்பு இம்மாதம் 2-ஆம் தேதி துவங்கியது எனவும் அந்த அறிவிப்பில் தெரிவிக்கப்பட்டுள்ளது.