துருவ நட்சத்திரம் படத்தின் இரண்டாவது பாடல் அடுத்த வாரம் வெளிவரும்: ஹாரிஸ் ஜெயராஜ்
செய்தி முன்னோட்டம்
'சீயான்' விக்ரம்- கவுதம் வாசுதேவ் மேனன் முதல்முறையாக இணையும் திரைப்படம் 'துருவ நட்சத்திரம்'.
இந்த படம் சில ஆண்டுகளுக்கு முன்னரே அறிவிக்கப்பட்டு, படத்தின் முதல் பாடலும் வெளியான நிலையில், பல காரணங்களால் படம் நிறுத்தி வைக்கப்பட்டது.
இசையமைப்பாளர் ஹாரிஸ் ஜெயராஜ், சம்பள பாக்கி காரணமாக பின்னணி இசை கோர்வையை நிறுத்திவிட்டார் எனக்கூறப்பட்டது.
நடிகர் விக்ரமும், சம்பள பிரச்னை காரணமாக டப்பிங் செய்யவில்லை எனவும் செய்திகள் வெளியாகின.
இந்நிலையில், சில மாதங்களுக்கு முன்னர், பிரச்சனைகள் அனைத்தும் சரிசெய்யப்பட்டு, திரைப்படம் விரைவில் வளியாகும் என மகிழ்ச்சியாக தெரிவித்தார், இயக்குனர் கவுதம்.
card 2
வெளியீட்டு தேதி விரைவில் அறிவிக்கப்படும்
படத்தில் நிலவி வந்த சிக்கல்கள் அனைத்தும் தீர்ந்ததும், ஹாரிஸ் ஜெயராஜ், விறுவிறுவென படத்தின் இசைக்கோர்வை வேலைகளையும் முடித்ததாக அறிவித்தார்.
தொடர்ந்து, அவர் மலேசியாவில் நடத்திய இசைநிகழ்ச்சியில், படத்தின் பாடல் வெளியீட்டு விழா குறித்து அறிவிக்கப்படும் என எதிர்பார்க்கப்பட்ட வேளையில், இது குறித்து மௌனம் காத்துவந்தது படக்குழு.
இந்நிலையில், கமல் நடித்த, 'வேட்டையாடு விளையாடு' திரைப்படம், ரீ-மாஸ்டர் செய்யப்பட்டு, ரீ-ரிலீஸ் செய்யப்பட்டது.
அந்த பதிப்பும் வெற்றிகரமாக ஓடிய நிலையில், அதை ஹாரிஸும், கவுதமும் கொண்டாடினர்.
அப்போது நிருபர்களை சந்தித்து பேசிய ஹாரிஸ், படத்தின் இரண்டாவது பாடல் அடுத்த வாரம் வெளியாகும் என தெரிவித்தார்.
இந்நிலையில் படத்தின் ரிலீஸ் தேதி இம்மாத இறுதிக்குள் அறிவிக்கப்படும் எனவும் செய்திகள் தெரிவிக்கின்றன .