நடிகர் தனுஷூக்கு ஏற்பட்ட புதிய சிக்கல் - மரபணுவை பாதுகாக்க மனு!
செய்தி முன்னோட்டம்
கோலிவுட் சினிமாவில் முன்னணி நடிகர்களில் ஒருவராக திகழ்பவர் தான் நடிகர் தனுஷ்.
நடிகர் தனுஷ் தன்னுடைய மகன் என மதுரையை சேர்ந்த கதிரேசன், மீனாட்சி தம்பதியினர்கள் வழக்கு தொடர்ந்திருந்தனர்.
இந்த வழக்கு நிலுவையில் உள்ள நிலையில், கதிரேசனுக்கு உடல் நலக்குறைவு ஏற்பட்டு மதுரை அரசு மருத்துவமனையில் அனுமதிக்கப்பட்டுள்ளார்.
இந்த நிலையில், கதிரேசன் தனது உடல் நிலை மோசமடைந்து மருத்துவமனையில் அனுமதிக்கப்பட்டுள்ளதால் DNA-வை சேகரித்து வழக்கு விசாரணைக்காக பாதுகாக்க வேண்டும் என அவரது மனைவி மீனாட்சியும், வழக்கறிஞரும் மருத்துவமனை டீனிடம் மனு ஒன்றை அளித்துள்ளனர்.
தனுஷூக்கு ஏற்பட்ட சிக்கல்
நடிகர் தனுஷ் எங்கள் மகன் தான் - கதிரேசனின் மரபணுவை சேகரிக்க மனு
இதனைத்தொடர்ந்து, வழக்கறிஞர் டைட்டஸ் கூறுகையில், கதிரேசன் உயிருக்கு ஆபத்து ஏற்படும் என்பதால் அவரது மரபணுவை எடுத்து பாதுகாக்க வேண்டும் என மனு கொடுத்துள்ளோம்.
ஏற்கனவே, தனுஷ் அவரின் அங்க அடையாளத்தை லேசர் மூலம் அழித்து உள்ளார். அதுமட்டுமின்றி பள்ளி ஆவணங்களை தவறாகவும் தாக்கல் செய்துள்ளார்.
இதன்மூலம் தனுஷ் தான் கதிரேசன், மீனாட்சி தம்பதிகளின் மகன் என உறுதியாகிறது. இதுவரை அவர் வழக்கு எதுவும் செய்யவில்லை. தனுஷ் உண்மையை மறைக்க பார்க்கிறார்.
இது வெறும் கதிரேசனின் பிரச்சினை மட்டும் இல்லை. இப்படி எத்தனையோ பெற்றோர்கள் பிள்ளைகளால் புறக்கணிக்கப்பட்டு பாதிக்கப்பட்டுள்ளனர் என வழக்கறிஞர் டைட்டஸ் தெரிவித்துள்ளார்.