'யூத்' விஜய் Vs 'லியோ விஜய்: நடிகர் விஜய் குறித்து சிலாகிக்கும் 'நட்டி' நட்ராஜ்
ஒளிப்பதிவாளரும், நடிகருமான 'நட்டி' நட்ராஜ் பல படங்களில் பணியாற்றியுள்ளார். ஆரம்பத்தில் ஹிந்தி படங்களில் பணியாற்றிய நட்ராஜ், 'யூத்' படத்தின் மூலம் தமிழ் திரையுலகிற்கு அறிமுகம் ஆனார். அதன் பின்னர் விஜய்யுடன் பல முக்கிய படங்களில் பணியாற்றியுள்ளார் நட்ராஜ். துப்பாக்கி, புலி போன்ற படங்களில் நட்ராஜ் ஒளிப்பதிவாளராக பணியாற்றியுள்ளார். தற்போது, அவரின் நடிப்பில் வெளியாகி வெற்றிகரமாக ஓடிக்கொண்டிருக்கும் படம் 'பகாசுரன்'. அந்த படத்துக்கான பேட்டி ஒன்றின் போது, நடிகர் விஜய் பற்றி அவரிடம் கேட்கப்பட்டது. அதற்கு நட்டி, "நான் தமிழில் ஒளிப்பதிவு செய்த அனைத்து படங்களுமே விஜய் படங்கள் தான். அவருடன் பணிபுரியும் வாய்ப்பு மீண்டும் கிடைத்தால் நிச்சயம் ஓகே சொல்வேன். என்னுடைய படங்களையும் அவர் பார்த்து, என்னை பாராட்டியுள்ளார்", எனக்கூறினார்.
விஜயின் அமைதி பற்றிய ரகசியத்தை உடைத்த நட்டி
தொடர்ந்து அவரிடம், 'யூத்' படத்தில் இருந்த விஜய்க்கும், இப்போது இருக்கும் விஜய்க்கும் என்ன வித்தியாசத்தை காண்கிறீர்கள் எனகேட்கப்பட்டது. அதற்கு நட்டி, யூத் படத்தின் போது நேரத்தில், ஒரே நேரத்தில் பல படங்களில் விஜய் நடித்து வந்தார். ஆனால் இப்போது படங்களை தேர்ந்தெடுத்து நடித்து வருகிறார் எனக்கூறினார். படப்பிடிப்பு தளத்தில் விஜய் அமைதியாக இருப்பதற்கு காரணம், அவர் படத்தின் காட்சிகள் சிரிப்பாக வர வேண்டும் என தன்னை தயார் படுத்திக்கொண்டிருப்பார் எனவும், ஷூட்டிங் ஸ்பாட்டில் நடப்பதை நன்றாக கிரஹித்து கொள்ளக்கூடிய திறைமையாளர் விஜய் என பாராட்டியுள்ளார் நட்ராஜ். படப்பிடிப்பின் போது, 'ஆக்க்ஷன்' என சொன்னதும், கதாபாத்திரமாக மாறிவிடும் இயல்பு விஜய்க்கு உண்டு எனவும், அது ஒரு கிப்ட் எனவும் நட்டி தெரிவித்துள்ளார்.
