பிக்பாஸ் தமிழ் சீசன் 8: இந்த வார நாமினேஷனில் யாரு?
விஜய் டிவியில் ஒளிபரப்பாகும் பிக்பாஸ் சீசன் 8 நான்காவது வாரத்திற்குள் நுழைந்துள்ளது. தற்போது 20 நாட்கள் கடந்துள்ள இந்த நிகழ்ச்சியில், ஆண்கள் அணி மற்றும் பெண் அணி குழுக்களாக பிரிக்கப்பட்டு விளையாடி வருகின்றனர். இதுவரை மூன்று போட்டியாளர்கள் எலிமினேட் ஆகி உள்ளனர்: முதல் வாரத்தில் ரவீந்தர் சந்திரசேகர், இரண்டாவது வாரத்தில் ஆர்னவ், மூன்றாவது வாரத்தில் தர்ஷா குப்தா. தற்போது மீதமுள்ள 15 போட்டியாளர்களில், இந்த வாரம் வெளியேற்றப்படவேண்டியது யார் என ஹவுஸ் மேட்ஸ் நாமினேஷன் செய்தனர். அதில் குறிப்பாக ஆண்கள் அணி, அவர்களுக்குள்ளும், பெண்கள் அணி அவர்களுக்குள்ளும் மட்டுமே நாமினேட் செய்ய வேண்டும் என கூறப்பட்டது.
Twitter Post
இந்த வார நாமினேஷனில் சிக்கியது யார்?
இன்று வெளியான இரண்டாவது ப்ரோமோவின் படி, இந்த வார நாமினேஷனில் சிக்கியுள்ளது அருண் பிரசாத், ஜாக்குலின், சத்யா, ரஞ்சித், பவித்ரா, சுனிதா, ஜெஃப்ரி ஆகியோர் இல்லவாசிகளால் நாமினேட் செய்யப்பட்டுள்ளனர். இவர்களோடு சேர்த்து கடந்த வாரம் புவர் பெர்ஃபார்மராக தேர்வு செய்யப்பட்ட தீபக் மற்றும் அன்ஷிதா நேரடியாக நாமினேஷன் பட்டியலில் இடம்பிடித்துள்ளனர். நேற்றைய நிகழ்வில் விஜய் சேதுபதி ஹவுஸ்மேட்ஸை கடிந்து கொண்டு, சுவாரசியமாக விளையாட்டை எடுத்து செல்ல வேண்டும் என்றும், சுயபுத்தியுடன் செயல்பட வேண்டும் எனவும் அறிவுறுத்தினார். அதோடு குரூப்பிசம் இருப்பதாக ஒரு சிலர் கருதுவதையும் வெளிச்சம் போட்டு காட்டிவிட்டார். இதனால் இந்த வாரமாவது விளையாட்டு சூடு பிடிக்குமா என்பதை பொறுத்திருந்து பார்க்கலாம்.
