பிக் பாஸ் தமிழ் சீசன் 8: போட்டியாளர்கள் யார்? ஒளிபரப்பாகும் நேரம்?
செய்தி முன்னோட்டம்
நாளை முதல் விஜய் டிவியில் பிக் பாஸ் தமிழ் சீசன் 8 ஒளிபரப்பாக உள்ளது.
நாளை முதல் நாள் தொடங்கவிருக்கும் சூழலில், இன்று மாலையே போட்டியாளர்கள் அனைவரும் பிக் பாஸ் வீட்டிற்குச் சென்று விடுவார்கள்.
இதற்கான ஷூட்டிங்கும் நடைபெற்று கொண்டிருப்பதாக சில செய்திகள் தெரிவிக்கின்றன.
கமல்ஹாசன் தனது திரைப்பட கமிட்மென்ட் காரணமாக பிக்பாஸ் நிகழ்ச்சியை தொகுத்து வழங்குவதில் இருந்து விலகியதால், தற்போது விஜய் சேதுபதி நிகழ்ச்சியின் 8வது சீசனை தொகுத்து வழங்க உள்ளார்.
இந்த நிலையில், இந்த நிகழ்ச்சின் போட்டியாளர்கள் யார்? எப்போது, எங்கே இந்த நிகழ்ச்சியினை பார்க்கலாம் உள்ளிட்ட விவரங்கள் இதோ:
நிகழ்ச்சி நிரல்
நிகழ்ச்சியினை எங்கே காணலாம்?
பிக்பாஸ் அதன் 8வது சீசனை துவங்குகிறது.
இந்த நிகழ்ச்சி விஜய் டிவியில் நாளை மாலை 6 மணிக்குத் திரையிடப்பட உள்ளது.
நிகழ்ச்சியின் தொடக்க அத்தியாயம் 5 மணி நேரம் ஓடும் என தெரிவிக்கப்பட்டுள்ளது.
அதனால் நாளை மாலை 6 மணிக்கு துவங்கும் ஒளிபரப்பு இரவு 11 மணி வரை நீடிக்கும் என்று எதிர்பார்க்கப்படுகிறது.
அதன் பின்னர் நாடாகும் தினசரி எபிசோடுகள் இரவு 9:30 முதல் 10:30 மணி வரை விஜய் டிவியில் ஒளிபரப்பப்படும்.
மேலும், விஜய் சேதுபதி பங்கேற்கும் வார இறுதி எபிசோடுகள் இரவு 9:30 முதல் 11:00 மணி வரை ஓடும்.
கூடுதலாக, இந்த நிகழ்ச்சி டிஸ்னி+ ஹாட்ஸ்டாரில் ஸ்ட்ரீமிங்கிற்கு கிடைக்கும் என்று எதிர்பார்க்கப்படுகிறது, அங்கு அது நேரடியாக ஒளிபரப்பப்படும்.
போட்டியாளர்கள்
சாத்தியமான போட்டியாளர்கள் யார்?
இந்த சீசனில் ஆரம்பத்தில் 16 போட்டியாளர்கள் பிக் பாஸ் வீட்டிற்குள் நுழையவுள்ளனர். அதன் பின்னர், கூடுதலாக 3-4 வைல்ட் கார்டு போட்டியாளர்கள் வீட்டிற்குள் வரக்கூடும்.
தற்போது வரை பிக்பாஸ் தமிழ் சீசன் 8இன் போட்டியாளர்கள் இவர்கள் பாடகர் பால் டப்பா அனீஸ், நடிகை சௌந்தர்யா நஞ்சுண்டன், நடிகர் கோகுல் நாத், நடிகை ஐஸ்வர்யா, தொகுப்பாளர்VJ விஷால், தயாரிப்பாளர் 'Fatman' ரவீந்தர், நடிகர் ரஞ்சித், நடிகர் அர்னவ், நடிகர் அருண், நடிகர் தீபக், நடிகர் சந்தோஷ் பிரதாப், தொகுப்பாளினி ஜாக்குலின், நடிகை பவித்ரா ஜனனி, நடிகை சஞ்சனா, 'குக் வித் கோமாளி' புகழ் சுனிதா கோகோய், நடிகை ஷாலின் சோயா, நடிகை தர்ஷா குப்தா உள்ளிட்டோர் இந்த பிக்பாஸ் நிகழ்ச்சியில் கலந்து கொள்ள இருக்கின்றனர்.