ஐஸ்வர்யா ரஜினிகாந்திற்கு இரண்டு காதல் தோல்வி உள்ளது: மீண்டும் சர்ச்சையை கிளப்பும் பயில்வான் ரங்கநாதன்
செய்தி முன்னோட்டம்
நடிகர் தனுஷ்-ஐஸ்வர்யா ரஜினிகாந்த் இருவரும் காதல் திருமணம் செய்துகொண்டவர்கள். அழகான குடும்பமாக யாத்ரா, லிங்கா என இரு குழந்தைகளுடன் சென்ற அவரது வாழ்க்கை, யார் கண்பட்டதோ, இருவரும் தங்கள் பல வருட திருமண வாழ்க்கையை முறித்து கொள்வதாக அறிவித்தனர். அந்த அறிவிப்பு வெளியான சில நாட்களிலேயே, திருமண முறிவிற்கான காரணம் இதுதான் என ஒரு சர்ச்சையை கிளம்பினார், சர்ச்சைகளுக்கு பெயர்பெற்ற நடிகர் மற்றும் மூத்த பத்திரிகையாளருமான பயில்வான் ரங்கநாதன். இருப்பினும் அதை பற்றி கண்டுகொள்ளாமல், தனுஷும், ஐஸ்வர்யா ரஜினிகாந்தும் தத்தமது வேலைகளில் கவனம் செலுத்த ஆரம்பித்தனர். பிள்ளைகள் வளர்ப்பில் இருவரும் பங்கெடுத்தும் வருகின்றனர். அந்த சர்ச்சை சற்று ஓய்ந்த நிலையில், தற்போது மீண்டும் ஒரு சர்ச்சை செய்தியை வெளியிட்டுள்ளார் பயில்வான் ரங்கநாதன்.
card 2
தனுஷிற்கு முன்னரே காதலில் விழுந்த ஐஸ்வர்யா:
ஐஸ்வர்யா ரஜினிகாந்த், தனுஷை திருமணம் செய்யும் முன்னர், நடிகர் சிம்புவை காதலித்து வந்ததாக அப்போது செய்திகள் வெளிவந்தன. இவர்கள் இருவரும் பெங்களூருக்கு சென்று திருமணம் செய்துகொள்ள திட்டமிட்டதாகவும், அதன் பின்னர் இருவரும் பிரிந்து விட்டதாகவும் கூட பேச்சு அடிபட்டது. ஆனால், தற்போது பயில்வான் கூற்றுப்படி, சிம்புவுடன் மணமுறிவு ஏற்பட்டவுடன், ஒரு தொழிலதிபர் மகனை ஐஸ்வர்யா காதலித்ததாகவும், அந்த காதல் தோல்வியில் முடிய, ஐஸ்வர்யாவின் காதலனாக கூறப்படும் அந்த பையன் தற்கொலை செய்துகொண்டதாகவும், அதிலிருந்து மகளின் பெயரை காப்பாற்றவே, கஸ்தூரி ராஜாவிடம் பேசி, தனுஷுடன் மணமுடிக்க ரஜினி திட்டமிட்டார் எனவும் கூறினார். இதைக்கேட்டு ரஜினி மற்றும் தனுஷின் ரசிகர்கள், விளம்பரத்திற்காக இது போல கட்டுக்கதைகளை கூறுகி.றார் பயில்வான் என கடுப்பில் உள்ளனர்