கொள்ளையன் சைஃப் அலி கானை ஏன் கத்தியால் குத்தினார்? விசாரணையில் வெளியான தகவல்
செய்தி முன்னோட்டம்
பாலிவுட் நடிகர் சைஃப் அலி கானை கத்தியால் தாக்கியதற்காக கைது செய்யப்பட்ட பங்களாதேஷ் பிரஜை தனது நோக்கத்தை வெளிப்படுத்தியுள்ளார்.
அமீன் ஃபகிர் (30) என அடையாளம் காணப்பட்ட கொள்ளைக்காரன், நடிகரின் பாந்த்ரா இல்லத்தில் திருட்டு முயற்சியின் போது நடிகரின் இறுக்கமான பிடியில் இருந்து தன்னை விடுவிப்பதற்காக அவரை பலமுறை கத்தியால் குத்தியதாக காவல்துறையினரிடம் கூறியுள்ளார்.
தாக்குதலுக்குப் பிறகு, அதிகாரிகளால் பிடிபடுவதற்கு முன்பு, தப்பித்து கட்டிடத்தின் தோட்டத்தில் சுமார் இரண்டு மணி நேரம் ஒளிந்திருந்தார் எனவும் தெரிவித்துள்ளார்.
ஊடுருவல் விவரங்கள்
சைஃப் அலி கானின் வசிப்பிடத்திலிருந்து ஃபகிரின் நுழைவு மற்றும் தப்பிக்கும் பாதை
சத்குரு ஷரன் கட்டிடத்தில் உள்ள கானின் அடுக்குமாடி குடியிருப்பில் பாத்ரூம் ஜன்னல் வழியாக ஃபகிர் திருடுவதற்காக நுழைந்தார்.
நடிகரின் ஊழியர்கள் அவரைக் கண்ட பிறகு, ஒரு வாக்குவாதம் ஏற்பட்டது. இந்த சத்தம் கேட்டு அறையிலும் நுழைந்த சைஃப் ஃபகிரை இறுக்கமாகப் பிடித்துள்ளார்.
பின்னர் அந்த பிடியிலிருந்து வெளியேற கொள்ளைக்காரன் முயன்றும் நடக்காததால், நடிகரை பலமுறை கத்தியால் குத்தினார்.
காயமடைந்த போதிலும், ஃபகிர் இன்னும் உள்ளே இருப்பதாகக் கருதி சைஃப் தனது வீட்டின் பிரதான கதவைப் பூட்டியுள்ளார். ஆனால் அவர் தனது உள்ளே வந்த பாதை வழியாகவே தப்பி ஓடிவிட்டார்.
பின்னணி
ஃபகிரின் பின்னணி மற்றும் கைது விவரங்கள்
வங்கதேசத்தின் ஜலோகாதி மாவட்டத்தைச் சேர்ந்த ஃபகீர், கடந்த ஐந்து மாதங்களுக்கும் மேலாக மும்பையில் வசித்து வருகிறார்.
அவர் பல சில்லறை வேலைகளில் ஈடுபட்டார் வந்தார் என்றும், ஒரு வீட்டு பராமரிப்பு நிறுவனத்துடன் இணைந்து வேலை செய்து வருகிறார் எனவும் கூறப்படுகிறது.
கைது செய்யப்படுவதற்கு முன்பு, அவர் தானே பப்பில் பணிபுரிந்தார் மற்றும் ஹிரானந்தனி தோட்டத்தில் உள்ள மெட்ரோ கட்டுமான தளத்திற்கு அருகிலுள்ள தொழிலாளர் முகாமில் வசித்து வந்தார்.
இதற்கிடையில், லீலாவதி மருத்துவமனையில் ஐந்து நாட்கள் கழித்த பிறகு, சைஃப் அலி கான் செவ்வாய்க்கிழமை டிஸ்சார்ஜ் செய்யப்பட்டார்.