கணவர் ஏ.ஆர்.ரஹ்மான்-ஐ பிரிவதாக மனைவி சாய்ரா பானு அறிவிப்பு!
இசைப்புயல் ஏ.ஆர்.ரஹ்மான் தனது மனைவி சாய்ரா பானுவை திருமணமான 29 ஆண்டுகளுக்கு பிறகு பிரிந்து செல்வதாக அறிவித்துள்ளார். சைராவின் வழக்கறிஞர் வந்தனா ஷா, இந்தியா டுடேயில் தம்பதியரின் பிரிந்து செல்வது குறித்த அதிகாரப்பூர்வ அறிக்கையை வெளியிட்டார். AR ரஹ்மான் 1995 இல் சாய்ரா பானுவை மணந்தார். அவர்கள் கதீஜா, ரஹீமா மற்றும் அமீன் ஆகிய மூன்று பிள்ளைகள் உள்ளனர். இதில் கதீஜா மற்றும் அமீன் திரைத்துறையில் பாடகர்களான உள்ளனர்.
Twitter Post
ஏ.ஆர்.ரஹ்மான் மற்றும் சாய்ரா பானு பிரிவினை அறிக்கை
இதுகுறித்து வெளியிடப்பட்ட அதிகாரப்பூர்வ அறிக்கையில்,"திருமணமாகி பல வருடங்கள் கழித்து , திருமதி சாய்ரா தனது கணவர் திரு. ஏ.ஆர்.ரஹ்மானிடம் இருந்து பிரிந்து செல்லும் கடினமான முடிவை எடுத்துள்ளார். இந்த முடிவு அவர்களின் உறவில் குறிப்பிடத்தக்க உணர்ச்சி அழுத்தத்திற்குப் பிறகு வருகிறது. ஒருவரையொருவர் ஆழமாக நேசித்த போதிலும், அந்தத் தம்பதிகள், பதட்டங்களும் சிரமங்களும் அவர்களுக்கிடையே ஒரு தீர்க்க முடியாத இடைவெளியை உருவாக்கியுள்ளன என்பதைக் கண்டறிந்துள்ளனர்" "இந்த நேரத்தில் எந்த தரப்பினரும் பாலம் செய்ய முடியாது. வலி மற்றும் வேதனையால் தான் இந்த முடிவை எடுத்ததாக திருமதி சாய்ரா வலியுறுத்தினார். திருமதி சாய்ரா இந்த சவாலான நேரத்தில் பொதுமக்களிடமிருந்து தனியுரிமை மற்றும் புரிதலைக் கோருகிறார், ஏனெனில் அவர் தனது வாழ்க்கையில் இந்த கடினமான அத்தியாயத்தை வழிநடத்துகிறார்".
இது தொடர்பாக அவர்களின் மகன் அமீனும் பதிவிட்டுள்ளார்
அவர்களின் மகன் அமீனும் இது குறித்து இன்ஸ்டாகிராமில் பதிவிட்டு, பின்தொடர்பவர்கள் மற்றும் ரசிகர்களிடம் 'குடும்பத்தின் தனியுரிமையை மதிக்க வேண்டும்' என்று கேட்டுக் கொண்டார். இவர்களின் திருமணம் பெற்றோரால் நிச்சயிக்கப்பட்ட திருமணம். இருப்பினும் பொதுவெளியில் மனமொத்த தம்பதிகளாகவே இருவரும் வாழ்ந்து வந்தனர். சமீபத்தில் இவர்கள் குடும்பத்திலிருந்து மற்றுமொரு விவாகரத்து கோலிவுட்-ஐ அதிர்ச்சியடைய செய்தது. அது GV பிரகாஷ்- சைந்தவி பிரிவு. அதற்குள் தற்போது இசைப்புயலின் விவாகரத்து செய்தி வெளியாகியுள்ளது சினிமா ரசிகர்களிடையே அதிர்ச்சியை ஏற்படுத்தியுள்ளது.
