உலகம் முழுவதும் துணிவு & வாரிசு திரைப்படங்கள் வெளியானது
பொங்கல் வெளியீடுகளான அஜித்தின் துணிவு திரைப்படமும், விஜயின் வாரிசு திரைப்படமும், இன்று உலகமெங்கும் வெளியானது. அஜித்- H.வினோத் கூட்டணியில் உருவான துணிவு திரைப்படம், இன்று நள்ளிரவு 1 மணிக்கு வெளியானது. இத்திரைப்படத்தில், அல்டிமேட் ஸ்டார் அஜித் குமாருடன், மஞ்சு வாரியர் நடித்துள்ளார். ஜிப்ரான் இசையமைத்துள்ள படத்தின் பாடல்கள், ஏற்கனவே அவரது ரசிகர்களால் கொண்டாடப்பட்டு வருகிறது. அஜித் குமாரின் ரசிகர்களால், காலை முதலே, திரையரங்குகளில் திருவிழா கோலம் பூண்டு இருந்தது. அஜித் குமார் கடைசியாக வலிமை படத்தில் நடித்தார். அந்த திரைப்படமும், வினோத்தால் இயக்கப்பட்டது தான்.
9 வருடங்களுக்கு பிறகு மோதும் அஜித்தும் விஜயும்
மறுபுறம், விஜயின் வாரிசு படமும், உலகமெங்கும் இன்று திரையிடப்பட்டது. காலை 4 மணிக்கு, முதல் காட்சி திரையிடப்பட்டது. விஜய், முதல் முறையாக தெலுங்கு இயக்குனர் வம்சி பைடபள்ளியுடன் இணைந்துள்ள இந்த படம், தமிழ், தெலுங்கு என்று இரு மொழிகளிலும் ஒரு சேர எடுக்கப்பட்டது. ரஷ்மிகா மந்தனா இப்படத்தின் நாயகியாக நடித்துள்ளார். தமன் இசையமைத்துள்ள இத்திரைப்படத்தின் பாடல்கள், ஏற்கனவே ஹிட் அடித்துள்ளன. இப்படத்திற்கு, விஜயின் திரை வரலாற்றில் முதல் முறையாக, ஸ்பெஷல் ஸ்கிரீனிங், நேற்று சென்னையில் நடைபெற்றது. விஜய் மற்றும் அஜித்தின் திரைப்படங்கள், ஒரு சேர பொங்கல் விடுமுறையை குறி வைத்து ரிலீஸ் செய்யப்பட்டு, 9 ஆண்டுகள் ஆகின்றன. கடைசியாக, 2014 -ஆம் ஆண்டில், அஜித்தின் வீரமும், விஜயின் ஜில்லாவும், பொங்கலுக்கு வெளியானது.
