ஏகன் நடித்த ஹைக்கூ படத்தின் ஓடிடி ரிலீஸ் தேதி அறிவிப்பு: நவம்பர் 20 நெட்ஃபிளிக்ஸில் வெளியீடு
செய்தி முன்னோட்டம்
ஜோ மற்றும் கோழிப்பண்ணை செல்லதுரை ஆகிய திரைப்படங்களின் மூலம் கவனம் ஈர்த்த இளம் நடிகர் ஏகன் கதாநாயகனாக நடித்துள்ள ஹைக்கூ திரைப்படத்தின் ஓடிடி வெளியீட்டுத் தேதி அதிகாரப்பூர்வமாக அறிவிக்கப்பட்டுள்ளது. யுவராஜ் சின்னசாமி இயக்கத்தில் உருவாகியுள்ள இத்திரைப்படம், வரும் நவம்பர் 20-ஆம் தேதி முதல் உலகப் புகழ்பெற்ற நெட்ஃபிளிக்ஸ் ஓடிடி தளத்தில் வெளியாகிறது. கடந்த அக்டோபர் 23-ஆம் தேதி திரையரங்குகளில் வெளியாகி கலவையான விமர்சனங்களைப் பெற்ற இப்படம், தற்போது தமிழ் மட்டுமின்றி தெலுங்கு, மலையாளம், கன்னடம் மற்றும் இந்தி ஆகிய ஐந்து மொழிகளில் டிஜிட்டல் தளத்தில் ரசிகர்களை மகிழ்விக்க வரவுள்ளது.
கதைக்களம்
உணர்வுப்பூர்வமான காதல் கதைக்களம்
விஷன் சினிமா ஹவுஸ் நிறுவனம் சார்பில் தயாரிப்பாளர்கள் டாக்டர் அருளானந்து மற்றும் மேத்யூ அருளானந்து இணைந்து தயாரித்துள்ள இப்படத்தில், மின்னல் முரளி புகழ் பெமினா ஜார்ஜ் மற்றும் கோர்ட் திரைப்படத்தில் நடித்த ஸ்ரீதேவி அப்பல்லா ஆகியோர் கதாநாயகிகளாக நடித்துள்ளனர்.
ஜோ பட இயக்குநர் ஹரி ஹரன்ராம் இப்படத்திற்குக் கூடுதல் திரைக்கதை எழுதியுள்ள நிலையில், சித்து குமார் இசையமைத்துள்ளார்.
காதலியால் கைவிடப்பட்ட நாயகனுக்கும், காதலனால் மன சித்திரவதைக்கு உள்ளான கதாநாயகிக்கும் இடையே மலரும் அழகான காதலும், அதன் தொடர்ச்சியாக நடைபெறும் உணர்வுப்பூர்வமான சம்பவங்களுமே இப்படத்தின் மையக்கருவாக அமைந்துள்ளது.
ட்விட்டர் அஞ்சல்
Twitter Post
📢 OFFICIAL ANNOUNCEMENT ▶️ #Haiku (Tamil)
— OTT Trackers (@OTT_Trackers) November 15, 2026
Streaming from November 20 on Netflix in Tamil, Telugu, Kannada, Malayalam, Hindi 🍿!!
Starring: Yegan, Sridevi Apalla, Femina George#OTT_Trackers pic.twitter.com/xbydvNcdhw