"நாங்க பாத்துகிறோம்..நீங்க ஒடம்ப பாத்துக்கோங்க ஆன்ட்டி": குட்டி பத்மினிக்கு நக்கலாக பதிலளித்த அபிராமி
பாலியல் தொல்லை தருவதாக, சென்னை கலாக்ஷேத்ரா கல்லூரி ஆசிரியர்கள் மீதும், நடவடிக்கை எடுக்காத நிர்வாகத்தின் மீதும், அக்கல்லூரியின் மாணவிகள் புகார் அளித்த நிலையில், அந்த கல்லூரியின் முன்னாள் மாணவியும், நடிகையுமான அபிராமி, ஆசிரியர்கள் தரப்பில் இருக்கும் நியாயத்தையும் கேட்க வேண்டும் என்று கூறி இருந்தார். இந்த விவகாரத்தில் முறையான விசாரணை நடைபெறவேண்டும் எனவும், கல்லூரி நிர்வாகத்தின் மீதும், புகார் கூறப்படும் ஆசிரியர்கள் மீதும் கொண்ட காழ்ப்புணர்ச்சி காரணமாகவே, யாரோ மாணவிகளை தூண்டி விடுவதாகவும் அவர் கூறியிருந்தார். ஆதாரங்கள் ஏதுமில்லாமல் மாணவிகள் புகார் தருவது சரி அல்ல எனவும் கூறினார். அபிராமியின் பேச்சை, பலரும் கண்டித்தனர். 'மீ டூ' விவகாரத்தை முன்னெடுத்தவர்களில் ஒருவரான, பாடகி சின்மயியும், இதை வன்மையாக கண்டித்தார்.
பழம்பெரும் நடிகை குட்டி பத்மினிக்கு நக்கலாக பதில்
பழம்பெரும் நடிகையும், தயாரிப்பாளரான குட்டி பத்மினியும், அபிராமியை சாடினார். நேற்று தனது யூட்யூப் வீடியோவில் அவரிடம் சரமாரியாக கேள்வி கேட்டிருந்தார். "புகாரை prove செய்ய சொல்லி கேட்கிறீர்களே, பாலியல் தீண்டல் நடக்கும்போது, ஒரு பெண் எப்படி கேமரா ON செய்து விட்டு Retake என்றா கூற முடியும்?" என கேட்டார். இதற்கு பதிலளிக்கும் விதமாக அபிராமி தனது இன்ஸ்டாகிராம் பக்கத்தில், "திரைத்துறையில் இருக்கும் எல்லா பெண்களும் உங்களை மாதிரி இருக்க மாட்டார்கள் குட்டி பத்மினி ஆண்ட்டி...உங்களுக்கே பத்திக்கிட்டு வருதுன்னா, நல்ல குடும்பத்துல பிறந்த எங்களுக்கு எவ்ளோ எரியும் ஆண்ட்டி! நாங்க பாத்துக்குறோம் ஆண்ட்டி. இந்த வயசான காலத்துல நீங்க உடம்ப பாத்துக்கோங்க" என பதிவிட்டுள்ளார். அபிராமியின் பதிவு தற்போது வைரலாகி வருகிறது.
