42 ஆண்டுகளுக்கு பிறகு மீண்டும் இணையும் ரஜினி-கமல்; நடிகர் கார்த்தி வெளியிட்ட தரமான அப்டேட்
செய்தி முன்னோட்டம்
நடிகர் சங்க கூட்டத்திற்குப் பிறகு பேசிய நடிகர் கார்த்தி, ரஜினிகாந்த் மற்றும் கமல்ஹாசன் இணைந்து நடிக்க உள்ளதாக தெரிவித்தார்.
சென்னை தேனாம்பேட்டையில் உள்ள காமராஜர் அரங்கில் ஞாயிற்றுக்கிழமை (செப்டம்பர் 8) நடிகர் சங்க கூட்டம் நடைபெற்றது.
இந்த கூட்டத்தில் பங்கேற்க நடிகர் விஷால் சைக்கிளில் வந்தது பேசுபொருளானது. இதைத் தொடர்ந்து நடைபெற்ற கூட்டத்தில் பல்வேறு விஷயங்கள் குறித்து தீர்மானங்கள் இயற்றப்பட்டன.
நடிகர் சங்கத்தின் கட்டுமானப் பணிகள் நடந்து வரும் நிலையில், அதைத் தொய்வின்றி மேற்கொள்வதற்கு ஏதுவாக நடிகர் சங்கத்தின் நிர்வாகிகளின் பதவிக்காலத்தை மூன்று ஆண்டுகளுக்கு நீட்டிக்க இதில் தீர்மானம் நிறைவேற்றப்பட்டது.
கலை நிகழ்ச்சி
நிதி திரட்ட கலை நிகழ்ச்சி நடத்த முடிவு
நடிகர் சங்க கட்டிடத்தைக் கட்டி முடிக்க வாங்கப்பட்ட கடனை செலுத்துவதற்காக கலை நிகழ்ச்சியை நடத்த நடிகர் சங்கம் முடிவு செய்துள்ளது.
இதில் அனைத்து முக்கிய நட்சத்திரங்களையும் கண்டிப்பாக கலந்துகொள்ள வைக்க திட்டமிட்டுள்ள நிலையில், இந்த கலை நிகழ்ச்சியில் நடிகர்கள் கமல்ஹாசன் மற்றும் ரஜினிகாந்த் ஆகிய இருவரும் இணைந்து ஒரு டிராமா நிகழ்ச்சியில் பங்கேற்க ஒத்துக் கொண்டுள்ளதாக கார்த்தி தெரிவித்தார்.
நடிக்க வந்த ஆரம்ப காலகட்டங்களில் இருவரும் இணைந்து தமிழ் மற்றும் இந்தியில் 16 படங்களில் நடித்துள்ள நிலையில், கடைசியாக 1982இல் கே.பாலச்சந்தர் இயக்கிய அக்னி சாட்சி படத்தில் இணைந்து நடித்திருந்தனர்.
அதன் பிறகு 42 வருடங்களாக இருவரும் இணைந்து நடிக்காத நிலையில், தற்போது கலை நிகழ்ச்சிக்காக இருவரும் இணைந்து நடிக்க முடிவு செய்துள்ளனர்.