CEO இன் தி ஹவுஸ்: ஸ்டார்பக்ஸ்-இன் புதிய தலைமை நிர்வாக அதிகாரியாக பிரையன் நிக்கோல் நியமனம்
செய்தி முன்னோட்டம்
செவ்வாயன்று சிபொட்டில் மெக்சிகன் கிரில்லின் தற்போதைய தலைவரான பிரையன் நிக்கோலை, புதிய சேர்மன் மற்றும் CEOவாக அறிவித்தது ஸ்டார்பக்ஸ் நிறுவனம்.
இவர் லக்ஷ்மன் நரசிம்மனுக்குப் பதிலாக பதவியேற்பார் எனத்தெரிவிக்கப்பட்டுள்ளது.
நரசிம்மன் பதவியேற்ற ஒரு வருடத்திற்குள் இந்த மாற்றம் வந்துள்ளது.
நிக்கோல் தனது புதிய பதவியை செப்டம்பர் 9ஆம் தேதி அதிகாரப்பூர்வமாக ஏற்றுக்கொள்வார் என்றும் Starbucks தெரிவித்துள்ளது.
"செப்டம்பர் 9, 2024 அன்று நிக்கோல் தனது புதிய பொறுப்பை ஏற்கிறார். அதுவரை ஸ்டார்பக்ஸ் தலைமை நிதி அதிகாரி ரேச்சல் ருகேரி இடைக்கால தலைமை நிர்வாக அதிகாரியாக இருப்பார். ஸ்டார்பக்ஸ் வாரியத் தலைவரான மெலடி ஹாப்சன் தலைமை சுதந்திர இயக்குநராக இருப்பார்" என்று ஸ்டார்பக்ஸ் செய்திக்குறிப்பில் தெரிவிக்கப்பட்டுள்ளது.
வரலாறு
யார் இந்த பிரையன் நிக்கோல்?
மார்ச் 2018இல் சிபொட்டில் தலைமை நிர்வாக அதிகாரி மற்றும் இயக்குனராக நிக்கோல் தனது பதவிக்காலத்தைத் தொடங்கினார், மார்ச் 2020 இல் வாரியத்தின் தலைவராக நியமிக்கப்பட்டார்.
சிபொட்டில் சேர்வதற்கு முன்பு, அவர் டகோ பெல்லின் தலைமை நிர்வாகியாக இருந்தார்.
அங்கு அவர் முன்பு தலைமை சந்தைப்படுத்தல் மற்றும் கண்டுபிடிப்பு அதிகாரி மற்றும் தலைவர் உட்பட பல்வேறு பதவிகளை வகித்தார்.
அவர் பிஸ்ஸா ஹட்டில் தலைமைப் பாத்திரங்களை வகித்தவர்.
Yum! பிராண்ட்ஸ் பிரிவு, மற்றும் பிராக்டர் மற்றும் கேம்பிள் நிறுவனத்தில் பிராண்ட் நிர்வாகத்தில் தனது வாழ்க்கையைத் தொடங்கினார்.
தற்போது, நிக்கோல், வால்மார்ட் இன்க் குழுவில் உறுப்பினராக உள்ளார் மற்றும் முன்பு கேபி ஹோம் மற்றும் ஹார்லி-டேவிட்சன் வாரியங்களில் பணியாற்றியுள்ளார்.