பெண்களுக்கு பாதுகாப்பான வேலை சூழல்! இந்தியாவில் பெண்களுக்கான சிறந்த 10 நிறுவனங்கள் எவை? பட்டியல் வெளியானது
செய்தி முன்னோட்டம்
இந்தியாவில் பெண் ஊழியர்களுக்கு பாதுகாப்பான மற்றும் சமமான வாய்ப்புகளை வழங்கும் பெண்களுக்கான சிறந்த 10 நிறுவனங்கள் 2026 பட்டியலை கிரேட் பிளேஸ் டு வொர்க் இந்தியா அமைப்பு அதிகாரப்பூர்வமாக வெளியிட்டுள்ளது. தொழில்நுட்பம், காப்பீடு, விருந்தோம்பல், சில்லறை வர்த்தகம் மற்றும் நிதிச் சேவைகள் உள்ளிட்ட பல்வேறு துறைகளை சேர்ந்த பெரிய நிறுவனங்கள் இந்த டாப் 10 பட்டியலில் இடம்பெற்றுள்ளன. குறைந்தபட்சம் 10% பெண் பணியாளர்களைக் கொண்டு, பெண் ஊழியர்களிடம் 70% நேர்மறையான மதிப்பீட்டைப் பெற்ற நிறுவனங்கள் மட்டுமே இதற்குத் தகுதி பெற்றுள்ளன.
டாப் 10 பட்டியல்
டாப் 10 பட்டியலில் இடம்பெற்றுள்ள முன்னணி நிறுவனங்களின் விவரம்
இப்பட்டியலில் மும்பையைத் தலைமையகமாகக் கொண்டு 3,69,444 ஊழியர்களுடன் இயங்கும் அக்சென்ச்சர் சொல்யூஷன்ஸ் முதலிடத்தைப் பிடித்து மிகப்பெரிய நிறுவனமாக உருவெடுத்துள்ளது.
அதேபோல் 1,30,457 ஊழியர்களுடன் ரிலையன்ஸ் ரீடெய்ல் நிறுவனம் பட்டியலில் இரண்டாவது பெரிய நிறுவனமாக இடம்பெற்றுள்ளது.
மேலும் இன்சூரன்ஸ் துறையை சேர்ந்த எடல்வைஸ் லைஃப் இன்சூரன்ஸ் (2,565 ஊழியர்கள்) மற்றும் வரி மற்றும் நிதிச்சேவை வழங்கும் ஹெச் & ஆர் பிளாக் இந்தியா (1,122 ஊழியர்கள்) ஆகிய நிறுவனங்களும் டாப் 10 பட்டியலில் அங்கீகாரம் பெற்றுள்ளன.
உற்பத்தித் துறை
விருந்தோம்பல் மற்றும் வேளாண் உற்பத்தித் துறை நிறுவனங்கள்
தோட்டக்கலை மற்றும் விவசாயப் பொருட்கள் துறையில் இயங்கும் கொச்சியைத் தலைமையகமாகக் கொண்ட ஹாரிசன்ஸ் மலையாளம் லிமிடெட் (3,011 ஊழியர்கள்) இப்பட்டியலில் முக்கிய இடம் பிடித்துள்ளது.
விருந்தோம்பல் துறையில் சர்வதேச அளவில் புகழ்பெற்ற ஹில்டன் (3,861 ஊழியர்கள்) மற்றும் 29,060 ஊழியர்களுடன் செயல்படும் மேரியட் ஹோட்டல்ஸ் இந்தியா ஆகிய இரு நிறுவனங்களும் பெண் ஊழியர்களுக்கு பாதுகாப்பான பணிச்சூழலை வழங்கி இப்பட்டியலில் சிறப்பிடம் பெற்றுள்ளன.
பெண் ஊழியர்களின் வேலை-வாழ்க்கை சமநிலையை இந்நிறுவனங்கள் சிறப்பாக உறுதி செய்கின்றன.
தொழில்நுட்ப நிறுவனங்கள்
தொழில்நுட்பம் மற்றும் நிதி சேவைத் துறை நிறுவனங்களின் ஆதிக்கம்
குர்காம்பை தலைமையகமாகக் கொண்டு கடன் மேலாண்மை சேவைகளை வழங்கும் மிட்லேண்ட் கிரெடிட் மேனேஜ்மென்ட் (2,911 ஊழியர்கள்) மற்றும் சுகாதாரத் துறைக்குத் தொழில்நுட்பத் தீர்வுகளை வழங்கும் பெங்களூரின் சஜிலிட்டி இந்தியா (18,293 ஊழியர்கள்) ஆகியவை டாப் 10 பட்டியலில் இணைந்துள்ளன.
ஹைதராபாத்தைத் தலைமையகமாகக் கொண்ட நுகர்வோர் நிதிச் சேவை நிறுவனமான சின்க்ரோனி இன்டர்நேஷனல் சர்வீசஸ் (5,521 ஊழியர்கள்) பத்தாவது இடத்தைப் பிடித்து சாதனை படைத்துள்ளது.
பாலின சமத்துவத்தை ஊக்குவிக்கும் இத்தகைய நிறுவனங்கள் கார்ப்பரேட் உலகில் முன்மாதிரியாகத் திகழ்கின்றன.