500 பில்லியன் டாலரை நெருங்கும் எலான் மஸ்க் சொத்து மதிப்பு- Forbes கணிப்பு!
செய்தி முன்னோட்டம்
உலகின் பணக்காரர்களின் பட்டியலில் முதலிடத்தில் உள்ள தொழிலதிபர் எலான் மஸ்க்கின் சொத்து மதிப்பு, 500 பில்லியன் அமெரிக்க டாலரை நெருங்கியுள்ளது. ஃபோர்ப்ஸ் நிறுவனத்தின் நிகழ்நேர தரவின்படி, இந்திய நேரப்படி வியாழக்கிழமை இரவு 1.25 மணிக்கு, எலான் மஸ்க்கின் சொத்து மதிப்பு 499.5 பில்லியன் டாலர் என பதிவு செய்யப்பட்டுள்ளது. ஒரே நாளில் அவர் சம்பாதித்த சொத்து மதிப்பு $8.3 பில்லியன், டெஸ்லா பங்குகள் விலையிலான கூடிய உயர்வால் ஏற்பட்டது. இந்த ஆண்டில் மட்டும் டெஸ்லா பங்குகள் சுமார் 14% உயர்ந்துள்ளன. புதன்கிழமையன்று மட்டும் 4% வரை பங்குகள் உயர்ந்ததாக கூறப்படுகிறது.
சொத்து மதிப்பு
மஸ்கின் சொத்து மதிப்பு
54 வயதான மஸ்க், தற்போது டெஸ்லா, எக்ஸ் (முன்னாள் ட்விட்டர்), ஸ்பேஸ் எக்ஸ், நியூராலிங்க் உள்ளிட்ட முன்னணி நிறுவனங்களை தன்னுடைய கட்டுப்பாட்டில் வைத்திருக்கிறார். இந்த வளர்ச்சி, அவரை உலகின் முதலாவது 500 பில்லியன் டாலர் சொத்து மதிப்பை நெருங்கும் நபர் என மாற்றியுள்ளது. பணக்காரர்கள் பட்டியலில் இரண்டாவது இடத்தில் ஆரக்கிள் நிறுவன இணை நிறுவனர் லேரி எலிசன் $351.5 பில்லியன் சொத்து மதிப்புடன் இருக்கிறார். அவர்களை தொடர்ந்து: மார்க் ஸூகர்பெர்க் (மெட்டா) - $245.8 பில்லியன் ஜெஃப் பிஸோஸ் (அமேசான்) - $233.5 பில்லியன் லேரி பேஜ் (கூகுள் இணை நிறுவனர்) - $203.7 பில்லியன்