ஆகஸ்ட் 7 முதல் அமேசான் சிறப்புத் தள்ளுபடி விற்பனை: ஸ்மார்ட்போன் முதல் எலக்ட்ரானிக்ஸ் வரை அதிரடி ஆஃப்பர்கள்

எழுதியவர் Venkatalakshmi V

Jul 27, 2026

06:08 pm

செய்தி முன்னோட்டம்

இந்தியாவின் சுதந்திர தினத்தை முன்னிட்டு,அமேசான் தனது ஆண்டின் முக்கிய சிறப்பு விற்பனையான கிரேட் ஃப்ரீடம் சேல் தேதிகளை முறைப்படி அறிவித்துள்ளது. ஸ்மார்ட்போன்கள், லேப்டாப்கள், வீட்டு உபயோகப் பொருட்கள் மற்றும் அமேசான் சாதனங்கள் உள்ளிட்ட பல பொருட்களுக்கு இதில் பெரும் தள்ளுபடிகள் வழங்கப்படவுள்ளன. இந்தச் சிறப்பு விற்பனை ஆகஸ்ட் 7-ஆம் தேதி இந்தியாவில் தொடங்குகிறது. இதில் HDFC வங்கி கடன் அட்டைகள் மற்றும் ஈஸி EMI பரிவர்த்தனைகளை பயன்படுத்தும் வாடிக்கையாளர்களுக்கு 10% உடனடித் தள்ளுபடி வழங்கப்படும் என அறிவிக்கப்பட்டுள்ளது. மேலும், அமேசான் பே ஐசிஐசிஐ வங்கி கடன் அட்டை வைத்திருப்பவர்கள் 5% வரம்பற்ற சேமிப்பை பெற முடியும். தேர்வு செய்யப்பட்ட பொருட்களுக்கு வட்டி இல்லா இஎம்ஐ மற்றும் பழைய சாதன பரிமாற்ற சலுகைகளும் வழங்கப்படவுள்ளன.

டீல்கள்

பிரத்யேக டீல்கள் மற்றும் சிறப்பு ஆஃப்பர்கள்

வாடிக்கையாளர்களைக் கவரும் வகையில் 'டாப் 100 டீல்கள்', 'பிளாக்பஸ்டர் டீல்கள்' மற்றும் நாள்தோறும் இரவு 8 மணிக்கு தொடங்கும் குறுகிய கால சிறப்பு சலுகைகளையும் அமேசான் அறிமுகப்படுத்த உள்ளது.

இவை தவிர, 'பை மோர் சேவ் மோர்', 'சாம்பிள் மேனியா', அமேசான் கூப்பன்கள் மற்றும் 10 சதவீதம் வரை தள்ளுபடி கொண்ட கிஃப்ட் கார்டுகளும் கிடைக்கவுள்ளன.

பொருட்களுக்கான தள்ளுபடியைத் தவிர, அமேசான் பே பயனர்களுக்காகச் சிறப்புச் சலுகைகளும் சேர்க்கப்பட்டுள்ளன.

பணம் அனுப்பும் சலுகை மூலம் ரூ. 50 வரை சேமிப்பும், ரூ. 2,000 வரையிலான கேஷ்பேக் பலன்களும் வழங்கப்படுகின்றன.

மேலும், மொபைல் ரீசார்ஜ்களுக்கு ரூ. 50 வரை சேமிப்பும், வாகனக் காப்பீடு வாங்குவோருக்கு பிரீமியத்தில் ரூ. 999 வரை தள்ளுபடியும் கிடைக்கிறது.