வெஸ்பா ரசிகர்களுக்கு ஒரு ராயல் ட்ரீட்; இத்தாலிய பாரம்பரியத்துடன் புதிய ஆஃபிசினா 8 இந்தியாவில் தடம் பதித்தது
செய்தி முன்னோட்டம்
பிரபல இத்தாலிய ஸ்கூட்டர் தயாரிப்பு நிறுவனமான வெஸ்பா, தனது புதிய ஸ்பெஷல் எடிஷன் மாடலான ஆஃபிசினா 8 ஐ இந்தியாவில் அறிமுகப்படுத்தியுள்ளது. இத்தாலியின் பொன்டெடெரா நகரில் அமைந்துள்ள பியாஜியோ தொழிற்சாலையின் வரலாற்றுச் சிறப்புமிக்க ஆய்வுக்கூடத்தின் நினைவாக இந்த மாடல் வடிவமைக்கப்பட்டுள்ளது. 1944 இல் தொடங்கப்பட்ட இந்த ஆய்வுக்கூடத்தில் தான் முதல் வெஸ்பா ஸ்கூட்டருக்கான வடிவமைப்பு உருவானது என்பது குறிப்பிடத்தக்கது.
விலை நிலவரம்
வெஸ்பா புதிய மாடலின் விலை
இந்தியாவில் இந்த ஸ்கூட்டர் 125 சிசி மற்றும் 150 சிசி ஆகிய இரண்டு என்ஜின் ஆப்ஷன்களில் கிடைக்கிறது. இதன் ஆரம்ப விலை ₹1.34 லட்சம் (எக்ஸ்-ஷோரூம், மகாராஷ்டிரா) ஆகும். இந்தியாவின் தேர்ந்தெடுக்கப்பட்ட வெஸ்பா டீலர்ஷிப்களில் மட்டும் இந்த ஸ்பெஷல் எடிஷன் விற்பனைக்கு வரும்.
வடிவமைப்பு
பிரத்யேக வடிவமைப்பு மற்றும் நிறம்
ஆஃபிசினா 8 மாடலில் அதன் பாரம்பரியத்தைப் பறைசாற்றும் வகையில் பல பிரத்யேக மாற்றங்கள் செய்யப்பட்டுள்ளன. புளூ ஆஃபிசினா 8: இந்த மாடலுக்காகவே பிரத்யேகமாக உருவாக்கப்பட்ட மேட் மெட்டாலிக் ப்ளூ நிறத்தில் இந்த ஸ்கூட்டர் ஜொலிக்கிறது. இது தொழிற்சாலை இயந்திரங்கள் மற்றும் கருவிகளின் நிறத்தை நினைவுபடுத்துவதாக உள்ளது. மெட்டாலிக் ரிவெட்டுகள் (Rivets): ஸ்கூட்டரின் பாடியில் காணப்படும் மெட்டாலிக் ரிவெட்டுகள் மற்றும் பித்தளை, அலுமினிய பூச்சுகள் இதற்கு ஒரு 'இண்டஸ்ட்ரியல்' தோற்றத்தை அளிக்கின்றன. ரிப்பட் சீட் (Ribbed Seat): விண்டேஜ் தோற்றத்தை வலுப்படுத்தும் வகையில் தையல் வேலைப்பாடுகள் கொண்ட இருக்கை அமைக்கப்பட்டுள்ளது.
செயல்திறன்
என்ஜின் மற்றும் செயல்திறன்
தொழில்நுட்ப ரீதியாக இந்த ஸ்கூட்டரில் பெரிய மாற்றங்கள் எதுவும் செய்யப்படவில்லை. வெஸ்பாவின் வழக்கமான நம்பகமான என்ஜின்களே இதிலும் பயன்படுத்தப்பட்டுள்ளன: 125 சிசி & 150 சிசி: வாடிக்கையாளர்கள் தங்கள் தேவைக்கேற்ப இரண்டு என்ஜின் வகைகளில் ஒன்றைத் தேர்ந்தெடுக்கலாம். கட்டுமானம்: வெஸ்பாவின் சிக்னேச்சர் ஸ்டீல் மோனோகோக் (Steel Monocoque) பாடி அமைப்பு இதிலும் தொடர்கிறது.
பிரத்யேக அக்சஸரீஸ்
பிரத்யேக அக்சஸரீஸ் மற்றும் கிட்
இந்த ஸ்கூட்டரை வாங்குபவர்களுக்கு ஒரு சிறப்பு 'வெல்கம் கிட்' (Welcome Kit) வழங்கப்படுகிறது. வெல்கம் கிட்: இதில் ஆஃபிசினா 8 ஆய்வுக்கூடத்தின் வரலாற்றைக் கூறும் புத்தகம் மற்றும் ஒரு டின் பாக்ஸ் இடம் பெற்றுள்ளது. இலவச ஹெல்மெட்: ஸ்கூட்டரின் நிறத்திற்குப் பொருந்தக்கூடிய ஒரு பிரத்யேக ஹெல்மெட் வாடிக்கையாளர்களுக்கு இலவசமாக வழங்கப்படும். கூடுதல் அம்சங்கள்: இதனுடன் மேட்ச் ஆகும் வகையிலான டாப் பாக்ஸ், ஹூடீஸ், டி-ஷர்ட்கள், பேக்பேக் மற்றும் கீ-செயின்கள் போன்ற லைஃப்ஸ்டைல் பொருட்களை வாடிக்கையாளர்கள் கூடுதல் கட்டணத்தில் வாங்கிக் கொள்ளலாம். வெஸ்பாவின் இந்த முயற்சி, வெறும் வாகனமாக மட்டுமின்றி ஒரு கலாச்சாரச் சின்னமாகத் தனது பிராண்டைத் தக்கவைத்துக் கொள்ள உதவும் என்று நிபுணர்கள் கருதுகின்றனர்.