ட்விட்டரில் வைரலான தோனியின் பைக் கலெக்ஷன் குறித்த காணொளி
செய்தி முன்னோட்டம்
இந்திய கிரிக்கெட் கண்டெடுத்த மிகச் சிறந்த கேப்டன்களுள் ஒருவரான மகேந்திர சிங் தோனியின் பைக் மற்றும் கார் ஆர்வத்தைப் பற்றி இந்தியர்களுக்குத் தெரியாமல் இருக்க முடியாது.
பொதுவாக புதுவிதமான அல்லது வின்டேஜ் பைக்குகளை, எம்எஸ் தோனி சாலையில் ஓட்டும் போது படம் பிடித்து அது வைரலாகியிருக்கிறது. ஆனால், தன்னுடைய கேரேஜில் தோனி என்னென்ன பைக்குகளை வைத்திருக்கிறார் என பெரும்பாலானோருக்கு தெரிந்திருக்க வாய்ப்பில்லை.
தற்போது தோனியில் பிரைவேட் கேரேஜில் எடுக்கப்பட்ட 108 நொடி காணொளி ஒன்று ட்விட்டரில் வைரலாகப் பரவி வருகிறது. இந்தியாவின் முன்னாள் கிரிக்கெட் வீரர் வெங்கடேஷ் பிரசாத் இந்த காணொளியை தன்னுடைய ட்விட்டர் பக்கத்தில் பகிர்ந்திருக்கிறார்.
இந்தக் காணொளியை தற்போது வரை 14 லட்சம் பேர் பார்வையிட்டிருக்கிறார்கள்.
மகேந்திர சிங் தோனி
மகேந்திர சிங் தோனியின் பிரைவேட் கேரேஜ்:
அந்தக் காணொளியில் மகேந்திர சிங் தோனி மற்றும் வெங்கடேஷ் பிரசாத் உட்பட மேலும் சிலர் இடம்பெற்றிருக்கிறார்கள். அந்தக் காணொளியை தோனியின் மனைவி சாக்ஷி படம்பிடித்திருக்கிறார்.
வெங்கடேஷ் பிரசாத் ராஞ்சியில் உள்ள தோனியில் பண்ணை வீட்டிற்கு கடந்த சில நாட்களுக்கு முன்பு சென்றபோது இந்தக் காணொளி படம் பிடிக்கப்பட்டிருக்கிறது.
தன்னுடைய கேரேஜில் 60-க்கும் மேற்பட்ட பைக்குகளை வைத்திருக்கும் தோனி, சில வின்டேச் கார்களையும் தனிப்பட்ட சேகரிப்பில் வைத்திருக்கிறார்.
ஹார்லி-டேவிட்சன் ஃபேட்பாய், கவாஸாகி நிஞ்சா H2, யமஹா RD350, நிஞ்சா ஜோங்கா, லேண்டு ரோவர் டிஃபண்டர் ஆகிய பைக் மற்றும் கார்கள் தோனியில் சேகரிப்பில் இடம் பெற்றிருப்பதை அந்தக் காணொளியில் நம்மால் பார்க்க முடிகிறது.
ட்விட்டர் அஞ்சல்
Twitter Post
One of the craziest passion i have seen in a person. What a collection and what a man MSD is . A great achiever and a even more incredible person. This is a glimpse of his collection of bikes and cars in his Ranchi house.
— Venkatesh Prasad (@venkateshprasad) July 17, 2023
Just blown away by the man and his passion @msdhoni pic.twitter.com/avtYwVNNOz