இந்தியாவில் வெளியானது டிவிஎஸ் ஜூப்பிட்டர் 125 ஸ்மார்ட் எக்ஸ் கனெக்ட் வேரியன்ட்
இந்தியாவில் ஏற்கனவே விற்பனை செய்யப்பட்டு வரும் ஜூப்பிட்டர் 125 ஸ்கூட்டர் மாடலின் புதிய வேரியன்ட் ஒன்றை அறிமுகப்படுத்தியிருக்கிறது டிவிஎஸ். அந்நிறுவனத்தின் ஸ்மார்ட் எக்ஸ் கனெக்ட் வசதியுடன், 'ஜூப்பிட்டர் 125 ஸ்மார்ட் எக்ஸ் கனெக்ட்' வேரியன்ட் மாடலை தற்போது அறிமுகப்படுத்தியிருக்கிறது டிவிஎஸ். இந்தப் புதிய கனெக்ட்டிங் வசதிகளுடன், எலிகண்ட் ரெட் மற்றும் மேட் காப்பர் பிரான்ஸ் ஆகிய இரண்டு புதிய பிரத்தியேக நிறங்களில் ஜூப்பிட்டர் 125 ஸ்மார்ட் எக்ஸ் கனெக்ட் வேரியன்டை வெளியிட்டிருக்கிறது டிவிஎஸ். இந்த செக்மெண்டிலேயே முதல் முறையாக புதிய ஜூப்பிட்டர் 125 ஸ்மார்ட் எக்ஸ் கனெக்ட் வேரியன்டில் பல்வேறு புதிய வசதிகளை வழங்கியிருக்கிறது அந்நிறுவனம்.
டிவிஎஸ் ஜூப்பிட்டர் 125 ஸ்மார்ட் எக்ஸ் கனெக்ட்: வசதிகள் மற்றும் விலை
புதிய ஜூப்பிட்டர் 125ன் ஸ்மார்ட் எக்ஸ் கனெக்ட் வேரியன்டில், ப்ளூடூத் வசதியுடன் கூடிய TFT டிஜிட்டல் க்ளஸ்டர், டர்ன்-பை-டர்ன் நேவிகேஷன், வாய்ஸ் அசிஸ்டன்ஸ், கால் மற்றும் மெஸேஜ் நோட்டிபிகேஷன் உள்ளிட்ட வசதிகள் கொடுக்கப்பட்டிருக்கின்றன. ஹாசார்டு விளக்குகளுடன், இன்ஜினை அனைத்த பிறகு 20 நொடிகள் வரை முகப்பு விளக்கும் எரியும் வகையிலான புதிய வசதியையும் இந்தப் புதிய ஜூப்பிட்டர் வேரியன்டில் வழங்கியிருக்கிறது டிவிஎஸ். மெக்கானிக்கலாக எந்த மாற்றமும் இன்றி, அதே 8.04hp பவர் மற்றும் 10.5Nm டார்க்கை உற்பத்தி செய்யக்கூடிய 124.8 சிசி இன்ஜினையே பெற்றிருக்கிறது இந்தப் புதிய வேரியன்ட். இந்தியாவில் ரூ.96,855 விலையில் வெளியாகியிருக்கிறது இந்தப் புதிய டிவிஎஸ் ஜூப்பிட்டர் 125 ஸ்மார்ட் எக்ஸ் கனெக்ட் வேரியன்ட்.
