டிவிஎஸ் ஜூபிட்டர் 110 ஸ்டார்டஸ்ட் பிளாக் ஸ்பெஷல் எடிஷன் அறிமுகம்; சிறப்பம்சங்கள் என்னென்ன?
செய்தி முன்னோட்டம்
டிவிஎஸ் மோட்டார் நிறுவனம், தனது பிரபலமான ஸ்கூட்டரான ஜூபிட்டர் 110 இன் (Jupiter 110) புதிய ஸ்டார்டஸ்ட் பிளாக் ஸ்பெஷல் எடிஷன் (Stardust Black special edition) மாடலை இந்தியாவில் அறிமுகப்படுத்தியுள்ளது. ஜூபிட்டர் சீரிஸில் இதுவே மிகவும் விலை உயர்ந்த மாடலாகும். இதன் ஆரம்ப விலை ₹93,031 (எக்ஸ்-ஷோரூம்). இது தற்போது விற்பனையில் உள்ள டாப்-ஸ்பெக் டிஸ்க் எஸ்எக்ஸ்ஸி (Disc SXC) மாடலுக்கு மேலாக நிலைநிறுத்தப்பட்டுள்ளது. புதிய ஸ்டார்டஸ்ட் பிளாக் எடிஷன், முழுவதுமாக கருப்பு நிறத்தில் வடிவமைக்கப்பட்டுள்ளது. இதில் உள்ள டிவிஎஸ் லோகோ மற்றும் ஸ்கூட்டரின் மாடல் பெயர் போன்ற அனைத்து பேட்ஜிங்களும், பழுப்பு நிறத்தில் கொடுக்கப்பட்டுள்ளது.
சிறப்பம்சங்கள்
ஸ்டார்டஸ்ட் பிளாக் ஸ்பெஷல் எடிஷனின் சிறப்பம்சங்கள்
இந்த மாடல் அதே வலுவான இயந்திர அமைப்பைக் கொண்டுள்ளது. இது 113.3 சிசி ஏர்-கூல்ட் என்ஜின் மூலம் இயக்கப்படுகிறது. இது 7.91 bhp சக்தியையும், 9.80 Nm டார்க்கையும் உருவாக்கும் திறன் கொண்டது. இதில் சிவிடி ஆட்டோமேட்டிக் டிரான்ஸ்மிஷன் பொருத்தப்பட்டுள்ளது. இது டெலஸ்கோபிக் ஃப்ரண்ட் சஸ்பென்ஷன் மற்றும் ட்வின்-டியூப் ரியர் ஷாக் அப்சார்பர் ஆகியவற்றைக் கொண்டுள்ளது. இதில், முன் பகுதியில் 220 மிமீ டிஸ்க் பிரேக் மற்றும் பின் பகுதியில் 130 மிமீ டிரம் பிரேக் ஆகியவை பொருத்தப்பட்டுள்ளன. இந்த ஸ்கூட்டரில் ஸ்மார்ட்எக்ஸ்கனெக்ட் (SmartXonnect) என்ற தொழில்நுட்ப வசதி உள்ளது. இது வாய்ஸ் அசிஸ்டன்ஸ், வாகன ட்ராக்கிங், கால் மற்றும் எஸ்எம்எஸ் நோட்டிஃபிகேஷன் மற்றும் நேவிகேஷன் சப்போர்ட் போன்ற அம்சங்களை வழங்குகிறது.