ரூ.16.19 லட்சம் விலையில் வெளியான புதிய டாடா சஃபாரி ஃபேஸ்லிஃப்ட்
செய்தி முன்னோட்டம்
இந்தியாவில் விற்பனையாகி வரும் தங்களுடைய எஸ்யூவியான சஃபாரியின் அப்டேட் செய்யப்பட்ட ஃபேஸ்லிஃப்ட் வெர்ஷனை தற்போது வெளியிட்டிருக்கிறது டாடா மோட்டார்ஸ்.
பத்து தனித்துவமான வேரியன்டகளில், ஏழு விதமான வெளிப்புற நிறங்களில் புதிய ஃபேஸ்லிஃப்டட் சஃபாரியை வெளியிட்டிருக்கிறது டாடா.
வெளிப்புறம் மறுவடிவமைப்பு செய்யப்பட்ட பம்பர்கள், கனெக்ட் செய்யப்பட்ட DRL, ஸ்பிளிட் செய்யப்பட்ட எல்இடி முகப்பு விளக்குகள், புதிய பாராமெட்ரிக் கிரில், கனெக்ட் செய்யப்பட்ட லைட் பாருடன் கூடிய எல்இடி டெயில்லைட் ஆகிய டிசைன் மாற்றங்களைப் பெற்றிருக்கிறது சஃபாரி ஃபேஸ்லிஃப்ட்.
ஸ்மார்ட் (O), ப்யூர் (O), அட்வென்சர், அட்வென்சர்+, அட்வென்சர்+ டார்க், அக்காம்ப்ளிஷ்டு, அக்காம்ப்ளிஷ்டு டார்க், அக்காம்ப்ளிஷ்டு+ டார்க், அட்வென்சர்+ A மற்றும் அக்காம்ப்ளிஷ்டு+ என பத்து வேரியன்ட்களாக வெளியாகியிருக்கிறது டாடா சஃபாரி.
டாடா மோட்டார்ஸ்
டாடா சஃபாரி எஸ்யூவி: வசதிகள் மற்றும் விலை
சஃபாரியின் 2.0 கிரியோடெக் டீசல் இன்ஜினில் பெரிதாக எந்த மாற்றமும் செய்யப்படவில்லை. இந்த இன்ஜினானது 6-ஸ்பீடு மேனுவல் மற்றும் டார்க் கன்வர்ட்டர் ஆட்டோமேட்டிக் கியர்பாக்ஸூடன் இணைக்கப்பட்டிருக்கிறது.
புதிய ஃபேஸ்லிஃப்ட் சஃபாரியின் உட்புறம், ஆண்ட்ராய்டு ஆட்டோ மற்றும் ஆப்பிள் கார்பிளே வசதிகளுடன் கூடிய 12.3 இன்ச் டச்ஸ்கிரீன் இன்ஃபோடெயின்மென்ட் பேனல், டிஜிட்டல் இன்ஸ்ட்ரூமென்ட் கிளஸ்டர், நான்கு ஸ்போக்குகள் கொண்ட ஸ்டீயரிங் வீல் மற்றும் வென்டிலேட் செய்யப்பட்ட முன்பக்க சீட்கள் ஆகிய வசதிகள் வழங்கப்பட்டிருக்கின்றன.
காஸ்மிக் கோல்டு மற்றும் கேலக்டிக் சஃபைர் உள்ளிட்ட ஏழு நிறங்களில் வெளியாகியிருக்கும் இந்த சஃபாரி ஃபேஸ்லிஃப்ட் மாடலானது, இந்தியாவில் ரூ.16.19 லட்சம் முதல் ரூ.25.49 லட்சம் வரையிலான விலைகளில் விற்பனை செய்யப்படவிருக்கிறது.