நிசான் கிராவைட் காரின் உண்மையான மைலேஜ் இது தான்
செய்தி முன்னோட்டம்
நிசான் நிறுவனத்தின் புதிய கிராவிட் (Nissan Gravite) எம்பிவி காரின் உண்மையான மைலேஜ் குறித்த தகவல்கள் தற்போது வெளியாகியுள்ளன. ரெனோ ட்ரைபர் காரின் அடிப்படையில் உருவாக்கப்பட்ட இந்த கார், இந்திய சந்தையில் மலிவான 7-சீட்டர் காராகக் விற்பனை செய்யப்படுகிறது. அதிகாரப்பூர்வமாக இந்த கார் லிட்டருக்கு 19.3 கி.மீ மைலேஜ் தரும் என அறிவிக்கப்பட்டிருந்தது. ஆனால், நிஜ உலகப் பயன்பாட்டில் சோதித்தபோது, நகரப் பகுதிகளில் லிட்டருக்கு 10.67 கி.மீ மைலேஜையும், நெடுஞ்சாலைகளில் லிட்டருக்கு 17.82 கி.மீ மைலேஜையும் வழங்குகிறது. இதன் ஒருங்கிணைந்த சராசரி மைலேஜ் 12.45 கி.மீ ஆகும்.
ரெனோ
காரின் சிறப்பம்சங்கள்:
இந்த காரில் 1.0 லிட்டர் பெட்ரோல் என்ஜின் பொருத்தப்பட்டுள்ளது. இது ஓட்டுவதற்கு மிகவும் சுறுசுறுப்பாகவும், நகர நெரிசல்களில் கையாளுவதற்கு எளிதாகவும் இருப்பதாகச் சோதனை ஓட்டத்தில் தெரியவந்துள்ளது. குறிப்பாக இதன் ஸ்டீயரிங் மிகவும் இலகுவாக வடிவமைக்கப்பட்டுள்ளது. நிசான் கிராவிட் காரின் ஆரம்ப விலை ரூ. 5.65 லட்சம் (எக்ஸ்-ஷோரூம்) ஆகும். இது நடுத்தர வர்க்கக் குடும்பங்களுக்கு ஏற்ற பட்ஜெட் காராகப் பார்க்கப்படுகிறது. விரைவில் இதன் சிஎன்ஜி (CNG) பதிப்பும் அறிமுகமாகும் என்று எதிர்பார்க்கப்படுகிறது. தற்போதைய நிலையில், பட்ஜெட் எம்பிவி சந்தையில் ரெனோ ட்ரைபர் மற்றும் மாருதி எர்டிகா போன்ற கார்களுக்கு இது பலத்த போட்டியாக அமையும்.